2013 in review

The WordPress.com stats helper monkeys prepared a 2013 annual report for this blog. Here’s an excerpt: A New York City subway train holds 1,200 people. This blog was viewed about 6,300 times in 2013. If it were a NYC subway train, it would take about 5 trips to carry that many people. Click here to […]

Ka thil hriat danglam deuhte

1. Ka ute tleirawl chhuah hlimin an thianpain nupui a ru ve a, tlanpuina tur an hre si lova; a hmeichhia zawk chuan “Ka thiante inah tlan mai ang u” a ti a, an ruk bera chuan kawng a hruai a,”Helamah, helamah” a ti zat zat mai mawle.

2. Thawkkhatlaiin Tahan leh a chhehvelah dan anga inneih hi a hautak vangin inruk an uar hle mai a. Chutihlai a nupui ru ve pawh an chhungte ve vein “Lo haw ru” an ti a mo lam inah palaite nen zanah an kalkhawm a. A puzawn chuan “Khawinge kan makpa chu?”, a ti a, makpa ber chu mipui kar atang inti thei tawkin “Heta hi ka awm!” tihpahin a rawn ding chuak a, a puzawn chuan hreiha nen a um chhuak nghal. Continue reading “Ka thil hriat danglam deuhte”

Thing leh mau tangkaina

Kan chenna hmun sik leh sa danglam tial tial te, ruah sur dan hunbi dik thei lo te, tuikhur tui leh kawr tui tlem tial tial te hi eng dang vang a ni lo a, kan ram thing leh mau kan tih chereu nasat vang a ni.

Thingkung hi awm lo se, hringfate hi kan nung reng thei lo.

Thingkung hian boruak bawlhhlawh a ti thianghlima carbon monoxide, sulfur dioxide, nitrogen dioxide leh Carbondioxide te hi a hip a, boruak tha mihring leh rannung tam takin kan mamawh oxygen chu boruakah a rawn pechhuak a ni.” Zing boruak thiang” kan tih pawh hi zinglamah thinghnah tam zawk hian oxygen a pe chhuak a, chu chuan boruak a tithiang zual a ni. Continue reading “Thing leh mau tangkaina”

Dam chhung hun kum-70

Kan thih hun leh ni tur kan hriat loh ang bawkin , kan dam chhung kum zat tur hi sawi lawk theih a ni lova. Mizote hi chawhrualin kum-70 dam tur angah indah chhin i la, seconds, minutes, darkar,  thla & kum eng zat nge kan hman liam tawh & eng zat nge kan la neih? Han chhut chhin teh ang u.

Tuna kan calender hman Gregorion Calender a tang chhut ila:

Common year: Thla-12 = Ni-365 = Darkar-8,760 = 525,600Minutes = 31,536,00 Seconds

Leap Year :Thla-12 = Ni-366 = Darkar-8,784 = 527,040 Minutes = 31,622,400 Seconds

An average Gregorion year: Thla-12 = Ni-365.2425 = Kar-52.1775 = Darkar-8,765.82 = 525,949.2 Minutes = 31,556,952 Seconds

Average Gregorion hi a chawh nan/chhut nan kan hmang ang a, thla laklawh/kumlaihawl, adt.. vel  chhut lovin , kum-1 tawp tawpin  chhut i la; kum-10 atang kum-60 thleng hi chhut kan tum dawn a ni. Continue reading “Dam chhung hun kum-70”

Zathawng

Zathawng tih hi Chin/Mizo naute Kachin or Jingpho tawng a ni a, nausen piang thar hming an phuah ni a malsawmna an hlana; chutia malsawmna an hlan paha sarep,purunvar & sawhthing chirawtlunga an den pah a thu an chham hi ani ber mai. New Zealand 2010 Chin National Day-ah pawh kan naute Kachin ho hian ,”Kan ute inni a, chibai buknan”, tiin an hnam chem, darkhuang leh eiin te an rawn hlan nghe nghe a ni.

31/1/2010 khan kan thian Kachin-pa Dokhawng-a fanu Khawngno-i hming saknaah ka kal ve a, Kachin or Jingpho ho hian min tiunau em em a, an mahni Kachin chauh nilo Chin/Mizo ho zawng zawng pawh min sawm a. Pathian hnena hlanna an neih hma hian an mahni hnam kalphungin an zinga upaberin sarep, sawhthing leh purunvar te chu chirawtlungah dengin malsawmna thu a chham a, naute hming thar chu nemnghitin mal a sawm a ni. Zathawng an zawh chuan Chin pastor-in nausen chu Pathian hnenah tawngtainain a hla a. Pathian thu thianghlim an mahni Kachin tawngin an chhiar a, Pathian fakna hla Kachin hla-in kan sa a, an hawrawp hi Mizo hawrawp nen a inang bawk a, an hla-bu en chung chuan a sak ve theih mai. Pathian thu chah Karen-nuin English leh Kawl tawngin a sawi a, an Kachin Naupang Sunday School hovin nausen lawmna hla an rem a, naupang zinga mimal pawhin pathian fakna hla Kawl hlain an sa bawk a, nausen lawm leh hlanna hunserh chu Pastor malsawmnain an ti tawp a. Continue reading “Zathawng”

FIAMTHU

Mizote hi fiamthu duh tak hnam kan niin ka hria a, fiamthu duhtak e tilovin, fiamthuthawhthiamho kan en dan & kan biak dan te hi chin tam chi a ni lovin ka hre bawk . Eng hnam, eng ramah pawh, fiamthu thawh-mi hi mite tihlimtu leh thiam taka ram kalsiamtute anni deuh zel. Hnampui zawkte chuan fiamthuthawhthiam-mi reng reng an ngaisang a, an thusawi ngaithla turin cheng tam tak sen pawh an inhuam a, an phu tawk chawimawina hlan pawh an hreh ngai lo a ni. Continue reading “FIAMTHU”