Kohhran hi eng ang nge kan nih


Kohhran chu in pakhat ang kan ni a, khawvel sualna, thlemna, harsatna thlipui leh ruahpui hrang vel mahse, Isua Krista ringtute chu kan inhumhimna tur a ni. Chu in chu a sakna turah ban pawimawh tak tak an awm ang a, bangrel a awn ang a, a bang a awm ang a, tukverh te, kawngka te a awm ang a; achungkhuh te,achhuat te pawh a awm bawk tur a ni.

Chung zawng zawng inremkhawm chuan in a lo ni a, a tungdingtu langsar tak chu a bante a ni maithei. Amaherawhchu, chu ban chu a mah chauh chuan engtihna mah a ni lo, a bangrel te, a bang te, chuat te, a chungkhuh tein a an man khawm a vangin thil tangkai tak an lo ni a. Chutiang bawkin, a chhuat te, abang te, a chungkhuh te, a bangrel te pawh chu an mahni te te chauh chuan tangkaina an nei  vak lova, an inman khawma an inzawmkhawma an rem khawm chauhin an lo tangkai vek a. Chutiangchiahchuan, keini Pathian hminga din Kohhran chhunga mite zawng zawngte pawh chu, kan zavai a kan inzawmkhawm a, kan inman khawm a, kan inrem khawm chauhin Kohhran(in) chu ruangawm neiin kan lo ding ang a, in humhimna kan lo nei dawn a ni.

Tin, a te ber atang a lian ber thlengin kan pawimawh vek a, kan tang kai vek a, kan pawimawhna leh kan tangkaina erawh a inang vek lo maithei. A then chu in ban pawh kan nimaithei, a then chu a bangrel pawh kan ni maithei, a then chu abang te pawh kan ni maithei, a then chu a chhuat te pawh kan ni maithei kan nihna theuhah kan tangkaiin kan pawimawh vek a. A mal mal a thiah dawn chuan ruangam neiin kan ding chhuak thei dawn lova, kan pawimawh vek a ni tih hi hre tlang i la.

Pathian chuan a mite a hmanna a in ang lova, kan talent ang zelin min hmang dawn a ni. Thir chu a hmanna tam tak a awm a, a then perekah, a then tubohah, a then chemah, a then hreipuiah, a then araah, a then bawngtuthlawhahte an siama, an tangkai veka; an tangkai dan a inang lo mai a ni. Chutiangchiahchuan, keini pawh kan talent ang zelin Pathianin min hmang dawn a, kan tangkaina a inang dawn lova. A then chu thil pek lamah, a then chu zai lamah, a then chu rorel lamah, a then chu thuhriltu lamah, a then chu tha nen a hna thawh lamah, a then chu remawi lamah te, a then chu ziak leh chhiar lamah te, a the chu tawngtai lamah te,adt..chutiang chuan Pathianin min hmang dawn a. Kan tangkaina leh kan pawimawhna te chu a inang lo thluah dawn a, kan vaiin kan tangkaiiin kan pawimawh vek a, tan kan lak vek a, hma lam panin ke kan pen zel anga. Lalpa kohhran tan kan din ang, A chhiahhlawhte kan ni a, A sipaite kan ni bawk a ni.

Advertisements

About zochepa

Tahan a piang leh seilian ka ni a, fiamthu duh tak leh thian ngaina tak mi ka ni. Sports lam hi a en nuam ka ti deuh vek a,football, intlan siak, inzuan siak, martial arts & chess khel hi nuam ka ti zual bik.
This entry was posted in Uncategorized. Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s