Zu ruih ai hlawmawm zawk


Sakhuanaah te, hnamah te, politics-ah te, chibingah te kan ruih tawh chuan kan khaw hmuh hi a fiah thei tak tak tawh lova, kan nu but reng a; pa fing pui puia ngaih pawh an rilru a zim tulh tulh mai a ni.

Zurui thenkhat chu trah mai ching te, enge maw hlekah thinur a insual mai chingte, thu tha lo pui pui chhak chhuah ching te, mi pawi sawi te, thu ruk zawng zanwg sawi chhuah mai te, mi dang tan niawm leh hnawksak zawng a chet te an ching hlawm a. An harhfim lai erawh chuan thenkhat chu pa tha tak, pa fing tak, pa zaidam tak pa kawm nuam tak, pa ngilnei tak te an ni duh chawk. Chutiang chiah chuan keini hringfate hi Sakhuanaah te, hnamah te, politics-ah te, chibingah te kan ruih hma chuan pa nelawm tak, pa kawm nuam tak, pa fing tak ni thin mah ila, Sakhuanaah te, hnamah te, politics-ah te, chibingah te kan ruih tawh chuan zurui lung puam ang main kan che mai duh thin a ni. Tunlai khawvela thil thleng mek rapthalk tak tak a inthahna te pawh hi harfim tawk loh vang a ni a, hman a tang tunthleng khawvel hmun hrang hrang leh keimahni Chin/Mizo/Kuki/Zofate zingah ngei ngei pawh Sakhuanaah te, hnamah te, politics-ah te, chibingah te kan ruih vanga thil tha lo thleng a awm teuh tawh a ni. Rui chunga harh fim kar hi thil harsa tak a ni a, a rui-a-te lah hian ka rui an inti duh miah lova thil buaithlak tak zawng a ni.

Hitler-a khan hnam ropui din tumin a bei a, hnam dang hnam cheknawka a ngaihte kha a suat teuh a; a ma ngaihah chuan thil tha tiah a inangia a ni. Chutiangzelin tunlaia ISIS-ho pawh hian an thil tih rapthlak tak tak hi an ngaih chuan thil tha tiah an inngai a, sualah an inngai hauh lo a nia. Thil pakhat vanga kan ruih tawh chuan mi pangnai kan ang thei tawh lova, kan ngaiha tha a kan ngaih hi a lo rapthlakin a pawi hle thei a ni.

Khawvela hnam tam tak leh chi tin zingah mahni hnam leh chi inngai ropui leh indah sang bik kan tam em em a, keini Chin/Mizo/Kuki/Zofate zingah pawh mahni chibing indah sang leh inngai ropui ka awm nuk a; chibinga rui pawh kan tam hle. Thuthlung thar hunah chuan Isua Krista zarah Jentel leh tel lo an awm tawh lova, Pathian ngaih chuan inang khat vek kan ni a, kan zavaiin min hmangaih a, kan zavai atan a fapa mal neih chhun mi pe a, kan zavai atan ni in ang khat vekin a chhuah tir a, malsawmna pawh inangkhat vekin min pe a; a hai chhuak thiam a piang tan a ni. Vun rawng dang vang emaw, trawng a dang vang emaw, awmna ram a dang vang emaw, a zia a dang vang emaw, a thawmhnaw hak a dang vang emaw vang a mahni mihringpui kan hmusit ve ringawt te hi tunge maw i nih a Pathianin a ma anpui a siam mihring nangmah ang bawk hmusit thei khawp tur a ropuina i nei bik em ni le? Inhmusitna hi khawvel hringnun tibuaitu leh tinuam lotu lian tak zing a mi a ni a, thil tangkai lo tak a ni a; Kristian inti tan chuan chin miah lo tur a ni. Tin, mi mahni infak vak vak te, mahni chibing in sawi ropui vak vak te hi miin an ngaihropui phah chuang lo va, an insawi ropui poh leh an chhiatna leh an that lohna sawi chhuah hi an chak zek zek zawk thin a, an sawi chhuah hun chuan an thinurna a sosang ang a, thu tha lo pui pui an chhakchhuak ang a, thil tha lo tih duh maina leh tharum thawh duhna hial pawh an nei thei a ni.

Sakhuana avangin ram leh ram an indo a, hnam leh hnam an in do a, ram ropui tak tak te an kehdarh phah a. Ram khat rau rauah pawh sakhuana hrang inmil loh vangin buaina tam tak a chhuak a, sakhaw pakhat rau rauah pawh thurin inan loh vangin buaina tam tak a chhuak a, keimahni zingah ngei pawh a thlen nasat tawh em hi. Chutihlaimekin, politics tenawm taka khel thinten ram an tithuanawp a, hnam, chibing leh sakhuanaah thlengin an politics tenawm tak chu khelmuanah an hmang thin a, ram, hnam leh sakhua an tithuanawp a. Unau inkarah khikak an siam , sakhuana an tidazat a, ram an tihnufual a ,a tuartu tur chu mi dang emaw an ti laiin an thlahte an tu leh fa te an ni dawn erawh an hre hauh lo. Mahni tawkah ram leh hnam hmangaih inti deuh thah kan ni deuh vek a, hmangiah tak tak erawh kan tam vak lo a ang. Ram leh hnam kan hmangaih tak tak a ni chuan ploticians-te pawn an lal thutphah atang chhuk ngam se, mi dang kian ve tawh pawh a hun tawh , mahni tanghma leh mani chibing ropuina mai mai atan a ti lovin ram leh hnam tan a ka beih tak tak hi a hun tawh a ni.

Zu ruih avang a lirthei chesual, insual, inhau, inthat, chhungkaw inhau leh invaw bur bur te hi a hlauhawm a,a ai a hlawm zawk Sakhuanaah te, hnamah te, politics-ah te, chibingah te ruih hi ram leh hnam chhiatna a ni a. Keini Chin/Mizo/Kuki/Zofate hnam tlemte, chi tam tak awm, tawng peng tam tak nei leh thuam hrang hrang neite hian kan ram, kan hnam, kan sakhua, kan nunphung, ka chi leh kuang, kan trawng leh ka thuam te hi party ruih chilhna te, chibing ruih chilhna te, kohhran thurin ruih chilhna te, trawng ruihh chilhna te hi dah kiangin chhia leh tha hriatna Pathianin min pek ngei nen chuan harh fim tak a ngaituahin i humhalh ang u.

( “Mi fing chuan a tul dan a zirin a ngaih dan a sawh sawn thin a, mi a erawh chuan a sahuai thing vawn tlat thin” mi a nileng kan nih loh hi a tul a dan a zirin kan ngaih dan pawh i sawh sawn thin ang u.)

Advertisements

About zochepa

Tahan a piang leh seilian ka ni a, fiamthu duh tak leh thian ngaina tak mi ka ni. Sports lam hi a en nuam ka ti deuh vek a,football, intlan siak, inzuan siak, martial arts & chess khel hi nuam ka ti zual bik.
This entry was posted in article and tagged . Bookmark the permalink.

2 Responses to Zu ruih ai hlawmawm zawk

  1. C.Muana says:

    A tha hle mai….. thu ziak tha tak tak a awm a, hman remchan hunah ka rawn leng lut ve thin dawn nia. Nasa lehzualin han bei zel teh le….

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s