Ram pawn Mizote Vs ram chhung Mizote


Mizoram chhunga awm leh hna thawkte hi ram hmangaih vanga awm leh hnathawk em ni an nih a? A ni teuh lo mai, mahni pum puarna tura hna thawk hi an tak zawk.

Mizoram pawna awm leh hna thawkte hi Mizoram an hmaingaih loh vang em ni? Ni bik teuh lo mai, mahni rama hna nghet neia awm hi chak an tam zawk a, a tul vang leh mahni ramah hna hmuh lo vang te, a rem chan loh vang te.adt..avang a ram dang awm leh hna thawk hi an ni tlangpuiin a rinawm.

Rampawn atang Mizoram dinhmun an rawn sawia, ram chhunga awmhovin thu tha leh thu dik an sawi pawn tlawmah kan laa a sawitute thleng thlenga kan huat phah a, ram hmangaih tak tak lova ram pawna awm anga ngaihthlatna kan nei hi i sim ang u.

Ram chhunga awmte pawh hian hnamdang leh ram dangah mi nunphung leh chetziate kan hriat thei nan i kal chhuak ang u. Thla-2 khat vel lek zin chhuah ang chi hi chuan hnam dang nungphung leh an mizia kan hre pawh tak tak thei lova, hna thawhpui, lehkha zirpui, a kawma inkawm deuh tak tak ang chauh hian mi nunphung leh an mizia hi a hriat thei a ni. Ram chhungah kan inkhung reng chuan kan rilru put dan tur chu Thliarkar rilru bak put a har viau ang.

Bawng kehniak tuitlinga awm Uchang thawnthu ang mai kan ni ang tih a hlawmawm. Bawng kehniak tuiltingah uchangte hian a awmna hmun chu dil zauber leh nuamber angah a ngaia, chu hmun ropui taka ropui taka awm angah a inngai a ni. Vavar/tuivango-vin hmun dangah lui leh dil zau tak tak a let engmaw zat a zau a awm thu an hrilh pawn a awih lova a awmna hmun chu zauber leh nuamber angah a ngai a ni. Chutiang chuan thil reng reng kan hmuh ngai loh leh kan hriat ngai loh chu awih a har a, hriatthiam pawh a har a, awm ngei, ni ngei, dik ngei ang chi pawh kan tan chuan awm lo ang, dik lo ang a ni thei a, chuvangin awmhmuna tawm reng lovin ram dangah hnam dang zingah hna thawk tein i kal chhuak ang u, zirna lam pawh ram dangah i zir ang u, i hawi zau ang u, i thlir zau ang u..

Ram pawna awmho hian ram chhung chanchin an ngaih ven peih loh hun, an sawi peih loh hun leh thurawn leh fakselna an sawi peih loh hun hi a thleng palh hlauh ang tih hi hlauhawm tak a ni. Chutiang hun kan thleng a nih vaih chuan Mizo hnam chu kan dazat tawh viau anga, mahni society leh culture ngaihsak lo kan tam tawh viau dawn tihna a lo ni. Tunlai khawvel thang chho zel milha, kan nunphung inher dang lam leh kan changkanna lamtluang kan pannaah pawh ram pawn atanga thurawn leh fakselna te hi huatah la mai lovin inen fiah nan leh insiam that nana kan hman a ngai tak mauh mauh a ni.

“A wise man changes his mind sometimes, a fool never.”
(Mi fing chuan a tul angin a rilru sawi danglam thiam a, mi aa erawh
chuan a thiam ve lo.)

Kan ngaihdan te hi sahuai thing vawn tlut lovin a tha zawk leh dik zawk ram leh hnam tana tha turah chuan kan rilru pawh kan sawi danglam ve zel hi a ngai a ni, Hnam dang nun kan zir dan tha lo, an nun dan tha lo lai leh an inchei dan rengawt hi zir lovin an taimakna te, an dikna te, hun an vawng dikna te, thil an chik peihna te,adt…. an nuna a tha lai apiang hi zir ila, i nunpui ang u.

Note: he thu hi 2011 khan http://lawrkhawm.com/old/index.php?page=32343 ah ka post tawh a ni a, ka edit thei lovangin hetah ka suan phei a, ka edit tha a ni.

Advertisements

About zochepa

Tahan a piang leh seilian ka ni a, fiamthu duh tak leh thian ngaina tak mi ka ni. Sports lam hi a en nuam ka ti deuh vek a,football, intlan siak, inzuan siak, martial arts & chess khel hi nuam ka ti zual bik.
This entry was posted in article. Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s