FAIAMTHU LAWRKHAWM PART-4


Pa pakhat hmelchhe lutuk

Pa pakhat pawh kha an hmelchhe mai mai, a pian hlimin an chawkidarin hmelchia a ti lutuka, mitthi dar a vaw ri ngawt.
A pianchamah pawh lengkhawm hla an sak sak ringawt. A mah ang deuh nen kawngkawiah an inhmua an tlanchhe ve ve.
A awm mai mai te hian an hmelin a tur ut ut. A mit te kha a pawng mai mai, tarmit dum(sunglasses) a vuah ve a a mit a khap thei tawh lo.
USA-ah a zin ve a, Halloween laiin a leng chhuak a, hmaikawr danglamber lawmman an lo pe; naupangin a hmel kha hmaikawr emaw an ti a an ngen vel.

Japan technology san zia
Japanese technology san zia chu, bawngsa tin siamna khawl an siam thar chu a changkang mai mai. Bawng kha khawlah an hnawt luta, lehlamah a tin, hmundangah savun pheukhawk te, a ek leh ruh vel te kha leichiah te a rawn chhuak a. An duhthu a sam vak loh chuan a vaiin an thun lut leh veka lehlamah chuan a bawngin an rawn tlan chhuak leh dam dam.

An ek-in te kha a changkang khawpa, an va lut chiah kha computer-in “I e tawh” a lo ti a, an ek lai pawh an hre hman lo.

Nula thau deuhte hi khawlah an thuna nula pian nalh zet pahnihah te an rawn chhuak thei.

An damdawite kha a tha mai mai. Mizo naupang pakhat mit na pawh kha a dam thei lo an manga, Japan rama mit na damdawi a tha an ti a. An chah a, an rawn thawn mek tih an hrilh chuan a mit na chu a ziaawm tan a, kar lehah a rawn thlengdawn an tih chuan a dam fel der tawh a. A rawn thlen chuan a hmaiin a mit chu a fiah tawh zawng a. “Eee kan damdawi lei chu a tha hle a niang kan lei a tang a dam chho nghal a, tunah phei chuan a hma aiin a fiah tawh zawk si a, a chhin nan kawmchar mau mitah hian i tat chhin ang u” an ti a; mau mitah an han tan chhin chu mau mit chu a rawn khap fak fak thei nghal.

Ho mai mai
1. Nula pakhat pawh khan,:Ka nu kekarte lei ka dila min lei sak lo vai a ka rai zaih mai mawle” a ti a, “Kekawrte an lei sak loh vang che chuan ngah nge i rai kher?” an ti a, “A khuhtu awm hek lo” a ti.

2. A pa khan”Mami ngahnge mikhual tlangval chu i lo intih tir reng reng a?” a ti a, “Naktukah ka haw dawna ti tlat a nih kha!” a ti ve hmiah.

Sermon sual
Kohhran upa sermon pawh khan “Lal Isua chu Jeriko khuaah a kal a, tichuan Petera chu theupui kunga a lo lawn chu a hmu a” a tih lai tak chuan Chairman chuan “Ka pu Zakaia zawk a lawm!” a rawn ti zauh a. A thlauk kha a tha ve mai mai,”Tichuan Lal Isua chuan ‘Peter lo chhuk rawh, Zakaia lawnna tur a ni kha!’a ti a” ti ve leh daih.

Tlangval zakzum
Tlangval pakhat pawh kha an thenawmah bawngtuthlawh hawh turin a va kal a, an thenawm nula hmun danga sikul kal a ngaihzawn ruk deuh kha a lo haw a, inchhungah khan a lo thu sual a. Zawkzum naklai chuan “In bawngtuthlawh ka lo ti, eh ni lo! In nula ka lo hawh” te a va ti vel a a zak lutuk chu a tlan haw daih.

Thawh thut lu hai nei tan damdawi tha ber
Dam lo:Ka pu Dr hei thawh thut lu hai ka nei a enge a damdawi tha ber ni ang?
Dr: Tho thut tawh lo la chu chu a damdawi tha ber a ni mai.

Thian dun ti ti
A. Thiana i bial nu thar chu a hmel tha em?
B. En thuak chuan a hmel a tha lo.
A. Chu en chian chuan a hmel a tha tihna em ni?
B. En chian chuan a hmel a maka, mahse en chet chet ila….
A. Chu en chet chet chuan a hmel tha em ni?
B. En chet chet chuan a chhe chet chet.

Advertisements

About zochepa

Tahan a piang leh seilian ka ni a, fiamthu duh tak leh thian ngaina tak mi ka ni. Sports lam hi a en nuam ka ti deuh vek a,football, intlan siak, inzuan siak, martial arts & chess khel hi nuam ka ti zual bik.
This entry was posted in Fiamthu, hahaha and tagged . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s