Ka thil hriat danglam deuhte


1. Ka ute tleirawl chhuah hlimin an thianpain nupui a ru ve a, tlanpuina tur an hre si lova; a hmeichhia zawk chuan “Ka thiante inah tlan mai ang u” a ti a, an ruk bera chuan kawng a hruai a,”Helamah, helamah” a ti zat zat mai mawle.

2. Thawkkhatlaiin Tahan leh a chhehvelah dan anga inneih hi a hautak vangin inruk an uar hle mai a. Chutihlai a nupui ru ve pawh an chhungte ve vein “Lo haw ru” an ti a mo lam inah palaite nen zanah an kalkhawm a. A puzawn chuan “Khawinge kan makpa chu?”, a ti a, makpa ber chu mipui kar atang inti thei tawkin “Heta hi ka awm!” tihpahin a rawn ding chuak a, a puzawn chuan hreiha nen a um chhuak nghal.

3. Osama Bin Laden-a hunlai khan, TV-ah Afghanistan ram tlangkar pukah a tawm thu an puang laiin, hmanlai Tahan pa rorumhovin an lo thlir a. Pa rothap deuh pakhat chuan, “Pukah a tawm tih an hriat reng chuan, kei hi min han tir se ka hovin Tahan tlangval-20 rual vel hi ka thlang chhuak ang a. An tawmna puk chu Vaihmarhchate nen han ur i la, an tawm reng thei dawn lo; an rawn chhuak ang a kan man ngei ngei ang!” a ti chu insum a har khawp mai, a ngaihtuahna a Mizopa khawp mai.

4. A chung pa-3na a mite pa rorumho tho hi FIFA world cup an en ve a, an hunlai a ball pet thiam ve tak chu an ni a, an hunlai dan bak kha an hre si lova, mahni lamah an in pass let an hmuh khan an ngaihdan a ni tlat pek lo va,”Ee! ee! ee! mahni lamah te an pet an va thiam lo e aw! Tahan tlangvalho pawh an tluk lo; kan hunlaite chuan mahni lamah kan pet ai chuan an ngal pawh kan chhuih sak tawk mai a lawm” an ti a, min tihlim thei khawp mai.

5. Kan in rawn leng ve thin pa pa-1 hi trhiau ve thei khawp a, a tlai leng haw an thenawmte kha “A-nauh-chawng field-ah(primary school field hming) Isua film a thlawnin an chhuah dawn” (hetih hunlai hian TV nei an la awm lova, rawngbawlna a Bible a mi film  an chan a thlawn a an rawn chhuah hi kan bawr vut vut thin a ni) ati a. An vengho chu an inhrilh pung a thutthleng te, rampai/herhsawp te, pher te kengin an kal ta sup sup mai a. A zanriah ei kham leng tura an rawn chhuak leh chuan an vengho chu ,”Enge intih dawn a?” a ti a, “Eee! i hre ve lo em ni Anauh-chawng field-ah Isua film a thlawnin an chhuah dawn kha” an ti a, kal an tam lutuk chu a mah pawn a awih ve a a kal ve a, a hmun a thlen chuan engmah a lo awm lo. An inzawt chiang zel a tu sawi nge an ti zel a, a mah a sawitu ngei pawh chuan a lo awih ve leh tho a, tunthlengin “A mah leh a mah a inbum” an ti.

Chuan kan kawmthlangpa hi a thian kawmngeih em em a ni a, an nula rimnaah”Tumkhat chu sa ka pel a sazuk rual hi an lo tla dal dal mai a, a pachal a ki zar tha tak mai chu kan kap a, a tlang a, a kiang a mi a patuai chu a va fuh a, ti chuan silai mu chu a tlang leh a, a sir a a nu..” a tih lai tak chuan kan kawmthlangpa chuan,” Thiana pa-2 kha a tawkkkkkk!!” a lo ti a. Tichuan a sawi chhunzawm leh a,” A nu chu va fuh pha tawh lo va” a ti a, a thianpa khan lo khap lo se chuan silaimu pa-1 khan pa-3 a kap hlum hmel a ni.

6. Kan naupan laiin kan vengah U Lianhmingthangi mi angvak lo hi a awm a, tlangval inthlahdahho hian an lo mutpui thin a, fa a pai a. “Lianhmingthang tu fa nge i pai?” an ti a, “ka sawi chuan U Liana’n min than palh ang”, a ti ve tlat. “Lianhmingthang lo haw rawh i fa hnute pek a hun” an ti a, a inkawibah lai a ni a,a ning ve lutuka,”Ninawm keimah hlir hlir!” a ti.

7. Tahan “B” group huam chhunga kan awmlaiin ka thianpa mual min liamsanta Lungmuana nen hian kan veng bial leader kan ni a, khawhar in lengkhawm thalai hun chhung zan-3 hi bial leader-ten hunserh hman ziah a ngai a. Kan la naupang ve ve si a, vanduaithlak takin mitthi kan nei a; “Nang upa zawk hmang hmasa rawh” ka ti a. KHur zawih zawihin Bible a chhiar a, “I lo tawngtai ang”a ti a,”Lalpa………..” ati a a ngawi vang vang mai a, a ngawi rei ta lutuk a, kan han meng chu a zak lutuk a lo tlan chhuak daih niin.

8. Ka pateho sipai tanlai pawhin, Shan ramaah an awm lai chuan, Shan-ho hian mitthi an neih chuan mitthi in lo kal te, mitthi tawha thiante lo kal te kha ei tur tha thain an lo mikhual thina. Thirth Chin batalion zinga Mizoho khan an hre kiau mai a, ka pa thian pakhat hi tah der a thiam em em mai a Shan tawng pawh an thiam deuh vek hlawm a. Mitthi in mipa thihna tawhah chuan, a va tap lut thin a a dam lai a thian niawm takin a va tap lut thin a, tichuan ei tur tha thain an lo mikhual thin a ni. Tumkhat chu, mipa thihna inah ava tap leh, “Ka thian a va pawi em, i dam lai te khan aw!!” a va ti ham ham mai a, mahse pawn lama a thian pa-1 kha a rawn lut vat a,”Thiana i tap sual naupang kum-2 mi lek a lawm ni a!” a rawn ti chu an chhuak ve let vat mai a.

Advertisements

About zochepa

Tahan a piang leh seilian ka ni a, fiamthu duh tak leh thian ngaina tak mi ka ni. Sports lam hi a en nuam ka ti deuh vek a,football, intlan siak, inzuan siak, martial arts & chess khel hi nuam ka ti zual bik.
This entry was posted in Fiamthu, hahaha, knowledge. Bookmark the permalink.

6 Responses to Ka thil hriat danglam deuhte

  1. k.thianga says:

    ha..ha.. lung ati leng hle mai i thil ziah chuan alom awm e

  2. valpuia says:

    Lianhmingthangihi a thingkung lawn lai mo k tia a inkoibah lai zok ni mo, ka like a nia, lo ti zel teh

  3. opchongthu says:

    Hahaha…hre maksak thei e..tunlai rawtuai/mautuai thar hun lai ania a siamdan tui tak mn lo hrlh teh..

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s