Mizo tlangval leh Sap nula


Mizo tlangval pakhat hi Bangkok khawpui hotel pakhatah hna a thawk a, tumkhat chu an hotel-ah chuan Sap nula hmeltha piannalh zet mai hi a rawn thleng a. An hotel hi backpacker-ho thlenna chi a ni a, fur ruahtui tam lai a ni a, a lum uap deuh churh mai a, Mizo tlangval chu khualbuk vennaah thuin Sap nula chu a hmuh phak mai room pakhatah chuan a thleng a ni.

Tlangvala chuan Sap nula chu a thlir liam vawng vawng a, a roomah a luh hnu rei vak lovah chuan a room kawngkhar chu a rawn hawnga. Kekawrte leh hnutebawm nen chauh  a awm a, tukverh hawngin tukverh lam hawi chuan thlifim a dawng a. Tlangvala chuan a pian mawi zia leh a hlei tlin ziate a hmuh chuan  a chil a lem khulh khulh mai a, a chil lem ri pawh”Kumruk kumruk” a ti ri khulh khulh a; a ngaihtuahna chu a pilril hle a ni. Chutia ngaihtuahna pilril taka a awm lai chuan” Sapho chu an duh chuan mipa an sawm mai a, a duh chuan duh, duh loh chuan duh lo ang angin an awm mai” tih mi sawi a lo hriat thinte chu a ngaihtuah laimek chuan Sap nula chuan a kut hawiin a rawn ko ta!

Sap nulain kut hawi meuha a rawn ko chu”Amah chauhin a awm a, mipa a mamawh a ni chiang hi, aww tukin te khan ar-awm tui lo in ila a tha tur a nia, Zo-ar tui hip mai tur lah ka nei si lo, Lipovitan takngial pawh ka lo kawl lawk si lova a va pawi e!” a ti rilru nauh nauh a. Sap nula hnenah chuan phur em em chuan a va kal a, Sap nula chuan”Khawngaihin hei ka room chhunga changban(treefrog) rawn lut hi min paih chhuah sak thei ang em?” a ti a, a beisei lo dan daihin thil a awm ta chu”Aih ka paih thei lo” tih lah a chi si lo, “Awle” tiin changban(treefrog) chu manin pawn lamah  a kalpui ta a. Kal pah chuan “Sap chhia Sap vakvaiho lah hi an tih a tam phian leh nghal a!” a ti ta nauh nauh ringawt.

Sihalin grape hmin mawi tak a hmu a, a ei chak em em a, a zuan tak tak mai a, a zuan phak si lo va,”A thur awm awm nen” tihin a kal san daih ang khan hringnunah hian chutiang chu a thleng fo thina, hringnun hi chutiang vel chu kan ni awm  e.

Advertisements

About zochepa

Tahan a piang leh seilian ka ni a, fiamthu duh tak leh thian ngaina tak mi ka ni. Sports lam hi a en nuam ka ti deuh vek a,football, intlan siak, inzuan siak, martial arts & chess khel hi nuam ka ti zual bik.
This entry was posted in Thawnthu and tagged . Bookmark the permalink.

21 Responses to Mizo tlangval leh Sap nula

  1. Tsa says:

    Hahaha.. A hit khawp mai!! 😀

  2. zochepa says:

    Thanks. Ka update khat lutuka rundalah ka post ve mai mai a nih hi. hehehe

  3. Bawiha Renthlei says:

    A tawi e… Mahse hringnun erawh a tarlang chiang khawp tho mai

  4. Bawiha Renthlei says:

    A tawi mah2….zawn leh teh a…

  5. saitawk says:

    A mipa pawh chu a zeilo ve deuh a nih chu! changban kha hman tangkai keuh tur alawm le! 🙂

  6. Sama Khiangte says:

    Mahnia kan nuih tak chiam chu 🙂

  7. Sudden Muanga bawhthut policy hman a chakawm rum rum dawn chu a 😀

  8. irenehnamte says:

    Hahaaaa….mak thei ngei mai a.

  9. sanga says:

    tha lu tuk he tiang hian ni maw ziak i lo thiam a. Nangma chan chin tawi te a ni hial lo maw te ka ti nauh nauh zawk he he he he

  10. Nicky says:

    Adag rwn t xel ru

  11. Rinhlui says:

    Tra hlwm hle mae,mahni cauha nuipui tn k ui deu tih mae loh cu…

  12. pcthangchhuana says:

    Ha2 i hnim hnai hrim2, kei ai chuan i changkang e. a tla hlang la tawng mahna

  13. sangteamb says:

    va uihawm tokve

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s