Eng hun hi nge pawimawh ber?


Hun hian mihringte hi a nghak si lova, second,minute, darkar, kar, thla leh kum te a liam zel a, kan hun hman that dan a zirin hmasawnna, hlawhtlinna, hausakna, hmingthatna, finna, nihlawhna, adt..te kan nei thei a. Hun kan hman that tawk lovangin kan hlawhtlin tur angin kan hlawhtling thei lova, ka hausak tur angin ka hausa thei lova, kan nihlawh tur angin kan nihlawh thei lova, kan fin tur angin kan fing lova, hmingthatna aiin hmingchhiatna kan nei zawk a hun hman that hi a va pawimawh teh lul em!  Hun pawimawh tak mai chu chi-3a then a ni a: 1. Hun kal tawh, 2. Tun hun leh 3. Hun lo la kal tur te a ni a; he mi pa-3 zingah hian eng hun hi nge pawimawh ber ta ang?

1.Hun kal tawh

Hun kal tawh nachin, nimin, kar kal ta, thla kal ta, nikum, hman kum te kha koh kir theih a ni tawh lova khati hun laia ka thil tih, kan tawng, kan hmuh , kan hriat, kan tawn, kan ngaituahna te kha koh kira tih danglam theih a ni tawh lova, a nih tur ang angin ani tawh a ni.

2. Tun hun

Mihring kan dam chhung hian kan hun hman hi tun hun hlir a ni a, tun hun kan hman mek hi a liam a “hun kal ta”, a lo ni chauh a, hun lo la kal tur chu kan hmang thei lova nakin, naktuk, kar leh, thla leh, nakum te pawh a thuin a awm a kan thlen hun chuan tun hlir hi a lo ni zel a ni.

3. Hun lo la kal tur

Hun lo la kal tur chu a awm ngei a, hun lo la kar tur a tan thil kan ruahman a, kan ngaihtuah lawk a, kan inbuatsaih sa a kan khawvel taksa tan leh thlarau tan pawn hun lo la kal tur chu kan ngai pawimawh hle a ni.

Hun pawimawh ber chu

Hmanah khan a hun laia tun kan hman that loh vangin sikul khat a kai zirtirtu inang reng, kan hun neih zat inang reng siin tunah kan degree a inthlau ta hle mai! Kan hna vawn lai pawh  a inthlau ta hle mai! Hnathawh inang reng , kum pawh inzat rengin kan hausak dan leh kan hlawhtlin dan a inthlau ta hle mai! Tuna kan dinhmun, kan nihna, kan finna te hi hmana tun hun kan hman that leh that loh a zir kha a ni a, “Nakinah, naktukah, nakumah ka ti ang” , kan tih thin vangin kan level pui ka pha lova mite aiin kan hnufual zel a ni hi. Hun lo la kal turah kan nawm sakna tur, kan nihlawhna tur, ka hlawhtlinna tur chuan tun hunah hian kan ruahman a, kan thawh a, kan tih nghal a ngai a ni. Thih hnu piah lam kan thlarau tan pawh nakin kan thih hunah chuan engmah tih danglam theih a ni tawh lova kan dam lai a kan thawh rah kha kan seng dawn a, keini Kristian-te tan hian  nakin kan thih hnu hun tur hi pawimawh berin lang mah se, a pawimawh zawk chu Tun hun hi a ni. I thlarau chhandam a nih theih nan, vanah lawmman i dawn theih nan, tunah Isua krista chu i rin a, A thu i nunpui a, thil tha  i tih a ngai a ni. Nakinah i zirna i hlawh tlin theih nan, i hna thawh i hlawh tlin theih nan, i lo hming that theih nan, i lo hausak theih nan, i fin theih nan tunah hian i zir ngun,  i thawh rim, i insum, i chhiar zau a ngai a ni.

Tlipna

Hun kal tawh chu koh kir theih ni tawh lo mahse, hun kal tawha kan thil tih dik tawk loh te, kan taimak tawk lohna te, kan thil sual tih te chu insiam that nan hmangin; a tha leh dik a piang chu chhawm nung zelin tun hun hi tha taka kan hman chuan nakinah kan la nihlawh dawn a ni. Nakinah, naktuk, nakumah tiin kan thil tih tur leh thil tha tih tur chu kan khek zel chuan kan level pui-t’n min pel zel ang a mi ai kan hnu fual zel thei a ni. Nakinah chuan kan dam dawn nge, kan thi dawn? tih kan hre si lova Tun hun hi hman that a va pawimawh tak em! I lo hlawhtlin theih nan tunah khan zir ngal rawh, thawk nghal rawh! Chhandam i nih theih nan tunah khan Isua Krista chu ring nghal rawh nakinah chuan i tlai palh a nge!

Advertisements

About zochepa

Tahan a piang leh seilian ka ni a, fiamthu duh tak leh thian ngaina tak mi ka ni. Sports lam hi a en nuam ka ti deuh vek a,football, intlan siak, inzuan siak, martial arts & chess khel hi nuam ka ti zual bik.
This entry was posted in article. Bookmark the permalink.

8 Responses to Eng hun hi nge pawimawh ber?

  1. Vanlalsailova sermon Tv a ka ngaihthlak ka hrechhuak! Tun hun pawimawhna asawi a. Lal Isua hi, Yesterday atan ani lo, Tomorrow atan ani lo, NOW atan ani, tiin uar takin Salvation Army Biakinah a sawi a. Saptawng chu a cheh ve ta khawp mai 🙂

    Ni e, tun hun hi hman tha ila, nakinah; hun kaltawh ah siam that tur a awm lova. Tun hun hmang tha ila, nakin hun lokal leh tur kan huphurh lovang. Tun hun hi avan pawimawh tak em!

    • zochepa says:

      Kum thar chibai, nia kum thar hma khan ka ngaituah a, mi tam takin “Kum thar resolution ” hi ka uar viau mai a, kum thar kher kher nghak lo hian “Tunah” hian an tih tur chu an tih mai loh aw? tih ngaihtuahna atang he thu hi ka ngaihtuah chhuak a nia.

  2. chhangte_ll says:

    Time lost is gone forever

    Hun kal tawh kohkir leh theih si loh ah hian buai lo ila, tun hi a pawimawh ani, naktuk chu a rawn inherchhuak mai anga.

    • zochepa says:

      Naktuk pawh hi inher chhuak mahse, kan dam dawn nge dawn lo kan hre si lo va, tun hun hi a pawimawh ber a nih hi tawraw?

  3. caribou says:

    Kan hun kal tawh te kha kan tun hun hman lai mek atana insiam thatna hmanraw tha ber a ni a. Khang hun liam taa kan experience tawh thil te avangin fimkhur a tul hunah fimkhur phah nan kan hmang thei thin. Ka hmalam hun hmuh lawk theih leh hriat lawk theih engmah ka neih loh avangin tun hun tluka hlu ka tan a awm lo. Hmalam hun ah enge lo thleng dawn hrelo mah ila, kan dam anih chuan kan la thleng dawn tho si a, he hun lo thleng tur hian thil tha emaw thil thalo emaw pawh min thlen thei. Chung ang zawng zawng lo dawngsawng thei tur chuan kan lo inpuahchah lawk a ngai thin.

    I thuziak hi a tha khawp mai.

    • zochepa says:

      @caribou ka sawi sei ve deuh hi tawi fel takin i rawn ziak famkim vek mai a lawm, min rawn tlawh thin a ka lawm tak zet.

  4. irenehnamte says:

    Hei zet chu tha kher mai a. Kan tun hun hman dik loh vanga buaina kan tawh pumpelh reng thei khan kan tuar phah chawk reng ani.

    Tuna kan hun neih hi a hlu ber. Ka tawmpui khawp che.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s