Zathawng


Zathawng tih hi Chin/Mizo naute Kachin or Jingpho tawng a ni a, nausen piang thar hming an phuah ni a malsawmna an hlana; chutia malsawmna an hlan paha sarep,purunvar & sawhthing chirawtlunga an den pah a thu an chham hi ani ber mai. New Zealand 2010 Chin National Day-ah pawh kan naute Kachin ho hian ,”Kan ute inni a, chibai buknan”, tiin an hnam chem, darkhuang leh eiin te an rawn hlan nghe nghe a ni.

31/1/2010 khan kan thian Kachin-pa Dokhawng-a fanu Khawngno-i hming saknaah ka kal ve a, Kachin or Jingpho ho hian min tiunau em em a, an mahni Kachin chauh nilo Chin/Mizo ho zawng zawng pawh min sawm a. Pathian hnena hlanna an neih hma hian an mahni hnam kalphungin an zinga upaberin sarep, sawhthing leh purunvar te chu chirawtlungah dengin malsawmna thu a chham a, naute hming thar chu nemnghitin mal a sawm a ni. Zathawng an zawh chuan Chin pastor-in nausen chu Pathian hnenah tawngtainain a hla a. Pathian thu thianghlim an mahni Kachin tawngin an chhiar a, Pathian fakna hla Kachin hla-in kan sa a, an hawrawp hi Mizo hawrawp nen a inang bawk a, an hla-bu en chung chuan a sak ve theih mai. Pathian thu chah Karen-nuin English leh Kawl tawngin a sawi a, an Kachin Naupang Sunday School hovin nausen lawmna hla an rem a, naupang zinga mimal pawhin pathian fakna hla Kawl hlain an sa bawk a, nausen lawm leh hlanna hunserh chu Pastor malsawmnain an ti tawp a.

Hunserh hman zawh chuan, an Kachin chaw arsa sin tete a pawh sawm, purunvar kan hmui te nen a buh an awm hmin chu kan ei a, arsa tui hang tui tak leh sarep changel hnaha fun min chhawp bawk a, a tuiin ei a manhla hle a ni.

An Kachin tawng leh Mizo/Chin tawng pawh hi inang a awm nual a, an history ka zawt vel nasa a, upa benghlai chin an awm lem lo bawk a, a kip a kawia sawi thei chu an awm lova, ka hriat ngai loh tam tak erawh ka hriat phah a, ka hlawkpui hle.

Kachin or Jingpho hnam hi chipeng hrang hrang an awm a Jingpo, Lisu, Trone, Dalaung, Gauri, Hkahku, Duleng, Maru (Lawgore), Rawang, Lashi (La Chid), Atsi, and Taron te an ni. An tawng hman hi Jingpo,  Zaiwa(Tsaiwa/Atsi), Maru, Rawang, Lashi (La Chid), & Azi te hi a  ni a,  Burma ramah chuan an tawngpuibera an hman chu Jingpo tawng hi a ni. Jingpo tawng hi Burma ramah mi-425,000 leh China ramah mi-40,000 velin an hmang a, Zaiwa tawng hi Burma ramah mi-80,000 leh China ramah mi-30,000 velin an tawng a ni. Arunachal Pradesh  & Tinsukia District Assam a awm ho hi Singpho an inti a, an tawng hi Jingpo tawng an hmanga mi-7,200 vel bawr awm anga ngaih an ni

Kachin/Jingpho hi China ramah khian 130,000 vel bawr la awm anga ngaih an ni a, Yunnan Province-ah cheng an tam ber. Burma ram chhungah hian mi 1,00o,000(Nuaisawm) a tang 1,500,000(Nuaisawmpanga) vel bawr awm ang ngaih a ni a, India ramah hian mi-7,200 vel bawr awm anga ngaih an ni.

Mizo zinga kan historian ho hian Mizo history kan chhui hian Zohnathlak unau chanchin hi a lang tel vak ngai lo va,  kan unaute a tang hian chhui sela, an tawng te zirin an history te zir chiang ila, Burma leh China a awm Kachin/Jingpho atang khian chhui chiang ila chuan kan tobul kan history hi tun ai hian kan hriat thui phah ka ring khawp mai. Mizo history tam zawkah hi chuan Sailo lal chanchin Tiau thlang lam kan awm hnu chanchin hi kan ziak nasa ber zel a, a ai a thui deuh chhui theihna kan unau Kachin leh Burma  & China ram Shan/Tai/Dai,  & Kawl ho history atang te hian zir chiang ila a tha lawm ni aw?

Advertisements

About zochepa

Tahan a piang leh seilian ka ni a, fiamthu duh tak leh thian ngaina tak mi ka ni. Sports lam hi a en nuam ka ti deuh vek a,football, intlan siak, inzuan siak, martial arts & chess khel hi nuam ka ti zual bik.
This entry was posted in Culture, Food & gallery, knowledge and tagged . Bookmark the permalink.

2 Responses to Zathawng

  1. A bengvar thlak hle mai. Jingpo ho hi Yunnan ka awm lai khan an culture zirchian deuh ka tum viauva; ka hman remchang thei ta lova.Pawi ka ti khawp mai.CHITHAWNGTHUh chu arik dan hriat tel avan chakawm em.

    Yunnan Jingpo ho zingah hi chuan Kristian pawh an tam khawp mai.Kan hnamzia in ang sawi tur an nei nual.

    • zochepa says:

      @Sekibuhchhuak, Yunnan lovah pawh a then chu an awmin ka hria, an history te han chhui chiang deuh la, kan history a chuang lo, kan chanchin te pawh hriat tur a awm ngei ka ring. Burma Kachin/Jingpho ho pawh hi atam zawk hi chu Christian a n ni a, India lam mi ho hi Christian an tam hmel vak lo a ang. Kachin Maru nula chass ka nei ve tawh a, an fel fu a sin. 😀

      “Chi”(Salt) lam rik ang, “Thrawng”(Thrawngaleivir tiha Thrawng ri ang) “Thruh”(“Threh Thruh a che” ti a Thruh sang tawi deuh a lam ang) ka benga ka hriat ang a ka ziah a ni a, an mahni hian ka lam rik ang hi a dik an ti lo pawh ani maithei. 😀

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s