Kawlphetha awm lo


Vawin chu hma takah hna kan zo a, in ka haw computer ka khawih lai mekin a thi thut mai a, ka computer chian loh vangah ka ngai a, kawlphetha rawn luh leh nan main switch chu ka va sawi kual vel a, power chu a awm ta reng reng lo. Pawn ka chhuaka City Care ho motors ka hmu a, “kan awmna flats vel thil an siamtha anga, power an off a nih dawn hi”, ka ti a, ngaitha deuh chuan ka mut san daih a, rei vak lovah ka mobile phone-ah text ka dawng a, Wellington khawchhung tam zawk chuan power an neih lo thu ka hmu a,Wellington-ah  power awmlo hi ka hre ngai lova, ka vawikhat tawnna a ni a, mak ka ti hle a ni.

22/4/2010 3.20pm vel atang a power awm lo chu 4.30pm-ah a rawn awm leh ta a ni. Darkar-1chuang  chhung hian Wellington mipuiten namen lovin buaina an tawk a . Mitam tak lift chhungah an tang a, mi-12 chuan mei-sipai te tanpui dilin an phone nghe nghe. Mahni In atang hmun dang kal duh tam tak pawh kawlphetha awm loh vangin an huan kawngkharpui(gate) an hawng thei lova, duh leh duhlovin Inah an tawm phah a. Traffic lights hna athawh loh vangin traffic pawh a jam nasa hle a ni. Polices hovin traffic point-ah kut nen an kawk kual a, engemaw chen chu a ziaawm phah hle. Trolley Buses leh trolley Trian(rail) ho pawh kawlphetha ring an nih vangin kal sawn thei tawhlovin an awmhmunah an ding tawp a, kawng dang tawk a ding pawh an awm nual a ni. Bus chang ho pawh an duh ai a reiin an nghak a, bus rawn thlengte pawh chuang  an tam lutuk a, chuan len ve nachi ni tawh lova, an kal tumna an tlai phah hle . Wellington Hospital a damlo tam tak pawh Ambulances nen Hutt Hospital lamah sawn an ni.

Wilton veng Transpower chian loh vangin Wellington, In-84,000 chuangin buaina an tawk a, khawpui nunphung a khaihlak phah hle a, 4.30pm a lo thlen chuan kawlphetha chu a rawn kal leh a,Wellington mipuite chu tuma lawm lohin kan lawm tlang hle a ni.

Kawlphetha awm thatlohna ram a seilian ka nih angin, kawlphetha awm lo fo kha ngaiah kan nei tawh zawk a, a rawn kal chang khan tuma lawm loh khan lawmin kan au thin kha a ni a, mipui nunphung chuti lutukin a khaihlak lova, a chhanchu tumahin engkimah hman tangkai duh mahse, an innghat ngam lova, a aiawh tur a tute pawn an lo ruahman sa vang a ni.Kawlphetha  engkimah an hman tangkai leh an rinpuiberna ramah chuan reilote an awm loh pawn mipui nunphung a khaihlak nasa hle thin.Hengthil ka tawn atang ka ngaituahna kal zel chu: Chhungkuaah paber, nuber, hnathawktuber,etc..chhungkuain an rinchhan ber ,chhungkaw chawmtu ber, engkima an innghahna ber mai an han damlo va, chhungkaw tan an thil tih tur an han tih theih lo chuan chhungkaw nun phung a buai nuaih mai a, nunphung a khaihlak hle thin a . Thihnain ro an rel phei chuan chhungkaw tan vanpui a chim hi a ni ringawt a, thim chhah mup kar a, awm ang maiin chhungkua kan mang ang thin a ni. Chhungkaw tan hnathawk mek ramdanga awm te, mahni inchhungkhura awm te, khaw danga awm te chhungkaw nungphung a khaihlak loh nan leh a buai loh nanah Pathian hnenah hriselna te, kan hna a kan tluanna tur tein kan tawngtai nasat a va ngai tak em. Kan hrisel zawk nanten ei leh in pawh kan thlan thiam a ngai hle a, zuk leh hmuam lam pawh kan in sum a, a hun  tak a mut leh ei te hi a va tul tak em! ti chuan chhungkaw nungphung buai leh khailak lovin, chhungkaw hlim tak a nunzahona chu kan lo nei dawn a ni.

Advertisements

About zochepa

Tahan a piang leh seilian ka ni a, fiamthu duh tak leh thian ngaina tak mi ka ni. Sports lam hi a en nuam ka ti deuh vek a,football, intlan siak, inzuan siak, martial arts & chess khel hi nuam ka ti zual bik.
This entry was posted in article. Bookmark the permalink.

8 Responses to Kawlphetha awm lo

  1. Kan ram nen avan in ang lo ve!

    • zochepa says:

      Hotupa, ka blog i rawn lenglut a, ka lawm e. Nia helam chu Power awm loh hi a awm ngai meuh lo a, Mizoram leh Burma lam nen chuan inang lo tak a ni.

  2. David Ralte says:

    Kan ram riangte nen chuan a va in ang lo ve awwww..

    Tuna ka awmna ah pawh hian kawlphetha keimahni hman tur Gas Turbine te reuh te (14 MW) hmangin kan generate ve a, a stand-by zawk nena tul bika an shutdown (Maintenance) dawn chuan a hma kar 1 velah circular an ti chhuak thin. Alternative arrangement lo siam loh chuan Darkar 1 kawlphetha a awm loh hian Rs. 30 lakhs vel kan lost hman anga chhut a ni.

    • zochepa says:

      David Ralte, ka blog i rawn lenglut a ka lawm e. Nia, Power awm that lohnaah hian a aiawh tur hi an inbawihsaih sa thin vang hian, a awm loh chang pawh hian tihdan kawng kawng a la awm zawk maha, power kal thatna hmunah hi chuan an kal loh thut hian inbuaihsaih lawkna a aaiawh tur min tamzawkin kan nei thin si lova, ka buai nasa zawk mah a ang.

  3. keimah says:

    Wellington ai chuan Aizawlah kawlphetha kan nei zing zawk! 😀

    • zochepa says:

      Hotupa dam thin maw? ka blog te i rawn lengluta ka lawm e. Dik khawp ang, a zing zawng chuan Aizawl chu Wellington ai an nei zawk viau ang, nikhata an nei zing zat pawh Wellington chuan an tlawk lo mai ang. :))

  4. Dawldanga says:

    TV ah inkhel hmuhnawm tak, kan tran zawngte an han khel dawn chiah a; current a’n awm lo mai thin hi chu a thinrimthlak thin teh a nia aw lolzzz. A hmunpui Zuangtui lah kha kan veng atangin a langchiang si; keini kan thim laiin anni an eng ut bawk si, han Bomb mai te kha ka duh rum rum thin kan naupan lai chuan lolzzz

    • zochepa says:

      Nikhawp mai, inkhel en laklawh lai chuan a thinurthlak duh khawp mai. 1998 Aizawl ka awm lai khan Football World Cup en laklawh laiin a thi thut thin mai kha chu b iathlai duh khawp mai, line-2 ka la a, pa-1-ah power a awm loh chuan line dangah kan han vawih vat a, a line-2a a awm loh chuan a hreawm duh khawp mai.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s