Ka lungkham pakhat ka pal tlang


Interview, duhtakte hmangaithu hrilh & exam ang chi te hi thinphu hi a rang duh hle a, ngai a nei hi har tak a ni awm e. Ka Final Practical Assessment Five Course Menu chu a tak a tih- Ni a lo tleng a, a tua te pawh mai chu kan zam deuh vek mai a. Thinphu chu apangngai hleithei lo a, huphurhawm ve tak ani .  Kan zirlai Cookery & Culinary Arts hi eiin siam dan leh cheimawi dan chauh emaw kan zir dawn ka ti a, zirtur a pui a lo tam khawp a. First Aid certificate, Fire Safety Certificate, Food & Safety Certificate & Nutrition Knowledge Certificate te hi lak vek a ngai a. He certificate lak loh chuan  kan pass thei lova, kan zir ve vek a ngai a ni.

151020091877

Practical Assessment hi trum-4 neih a ni a, Pathian zarah atrum-4 hian ka la pal tlang thei zel a. Theory Exam hi trum-2 nei tur a ni  a, trum-1 chu Pathian zarah ka pal tlang thei a, Final a la awm a, eng tak ang ang maw?Asignment project har sa ve tak hi trum-2 neih a ni a, trum-1naah hian (1)Food Costing & Food requirement, (2)Research(eiin chi zing mi thil hming lehkha min pawh tir a chumi thupui chu kan hmang) leh (3) Food safety , Health & Safety a ni a. Trum-2 hi chu a hmasa ang lovin duhthlan thei tur min pe a.Kitchen Designing-ah hian mahni Restaurant hawng tur ang a in ngai tur a ni a, mahni Kitchen tur chu a lem ziah vek a,a tul ang tur zawng kha kan telh a ngai a ni. Menu tur ziah a ngai bawk a, Menu a ziah tur hi Hors d’oevre tur recipe-5 min pe a, Soup recipe-5, Entree recipe-5, Main Course recipe-5 min pe a, heng zing a mi hi a inmilh leh inrem tur hi pa-1 threuh thlan tur a ni . Dessert erawh mahni duh duh a siam thei ve thung a ni. Heng kan Menu-a chuang tur zawng hi engzat man nge a nih chhut chuah vek a ngai a, Food Costing & Food Requirement hi a awm leh a. He kan menu a mi ngei hi Final Practical Assessment-ah kan siam a ngai a ni. Research tur hi thupui: Lactose Intolerance, Coeliacs Disease, Low Cholesterol diets, Sodium Intolerance, Food Allergy Sufferer & Vegan Diet te a ni a, heng zingah hian pa-1 thlan tur a ni.

Kan zirlai hi chhiarkawp lam te, Engineer ho zirlai ni awm tak te, Doctor ho zirlai ni awm tak te, Mei sipai ho zirlai ni awm tak te kan zir nuk mai a, a chang chuan a luhaithlak thei khap mai.

Kan Final Practical Assessment tur hi, a endiktute hi pawnlam mi Industry Chef hming thang tak tak te an ni a, min vengtute hi kan zirtirtute an ni ve thunga. Kitchet chhungah dawhkan, Freezer te hi Number pek a ni a, kan luh hmain lehkha min pawh tir a, kan pawh fuh mi number khan kan awmna tur a ni . Kitchen pawn lamah dawhkan puanvar phah seipui a awm a, tanchuan number a awm leh thliah thliah a, kan number zawn threuhah khan kan eiin siam kan va Present-na tur a ni . Dawhkanah hian kan Menu leh thil chi hrang hrang a chei mawi tur a ni.

151020091880

Darkar-6 chhung hun kan nei a, Kitchen kan luh phat a tang kan uniform hak dan leh kan sam a uithla em, uniform a thianghlim em, a chuar em,etc.. ? en dik vek kan ni . Khangah khan mark min pe vek a, ka thil siam leh kan dawhkan vel a thianghlim tawk em ? mei kan control dan a dik em, kan chem hman a dik em, chem kan hman dan kan zei em? tih ang chi zawng zawng min en dik a. Darkar 3.30 hi engkim rem fel leh inbuatsaihna hun a ni. Ei tur kan siam hi mi-2 tan tur thleng-2 zel a siam tur a ni. Chumi zawhah chuan,a hmasa ber Hors d’ouvre kan siam a,30-minutes chhunga siam zawh tur a ni a, 30-minutes a nih hma hian present ngei ngei tur a ni a, a pelh hnu a nih chuan kan mark a tla ang.

Hors d’ouvre hi Thai Fish Cake ka siam a.

151020091885

Tichuan, thleng-2 kan va present a, thleng-1 a mi hi endiktute’n a tem chhin a, mark min pek zawh vel leh min vengtu kan tutor ten an ei ban thleng chu min rawn pe let a. Thil dang ho pawh 30-minutes chhunga siam a, a hun tak a, va present tur a ni a, minutes-30 dan zelah present tur a ni.

Soup-ah Tomato & Basil Soup ka siam.

151020091884

Entree-ah Nicoise Salad ka siam.

151020091883

Main Course-ah Pork Fillet Smorked, Rice Pilep & Vege ka siam

151020091882

Dessert-ah Pear Poached In Wine ka siam.

151020091881

Salad & Dessert thleng tih loh chu thleng dang hi a sa tur a ni a, kan hman hmain Oven-ah kan dah sa phawt a ni. Kan eiin chei dan hi mark hmuhna chikhat a ni a, Garnishing hi uluk hle a ngai a, Sauce kan siam pawh hi uluk hle a ngai bawk. Thleng berh leh bal a awm pawn mark paih a ni a, uluk a ngai hle a ni. Ka present zawh vek a, endiktute hnenah kan kal a, min feedback a, chumi zawh chuan kan bungbel hman zawng zawng sil fai a, kitchen tih thianghlim vek tur a ni a , 30-minutes hun ka nei a, kan hun nei chhung a tih fel loh chuan min vengtute hian kan mark an paih thei bawk a ni. Thla ka lakna velah hun ka hmang tam deuh a, kitchen tih fai ka tlai phah a ka mark paih then a ni. A tam zawk chu kan tlai deuh vek.

Kan singsak zawh chuan kan in thlak a, min vengtu kan Tutor hnenah kan kal a, a niin min lo feedback leh a, kan mark hmuh zat min hrilh nghal a, ka pass tih ka hria chu ka va lawm tak, ka lungkham em em pakhat chu Pathian khawngaihna a zarah  ka pal tlang ve ta der mai. Ka hmabak Theory Exam hi eng tak  ang ang maw?

Advertisements

About zochepa

Tahan a piang leh seilian ka ni a, fiamthu duh tak leh thian ngaina tak mi ka ni. Sports lam hi a en nuam ka ti deuh vek a,football, intlan siak, inzuan siak, martial arts & chess khel hi nuam ka ti zual bik.
This entry was posted in Food & gallery. Bookmark the permalink.

33 Responses to Ka lungkham pakhat ka pal tlang

  1. emcee says:

    Zopa siam ngei,International levela pho chhuaha awm chu ei a chakomin ka fak tops!!

  2. chhangte_ll says:

    Ekhai, a va lawmawm ve. Hetiang thil chi reng reng hi ngaiah a neih theihloh asin. Helhhawlh deuha awm reng lah hi thil nuamlo tak !!

    In zirlai chu a hautak reuh ngawt ang ka ti, ‘Quality’ taka mi eitur siam ani dawn bawk nen. ‘Hell’s Kitchen” – Discovery T&L ami kha a ang ngawtin ka ring.

    P.S> Va hausa dawn hnur hnur ve, ‘Chef’ hi an hausa theih teh ania 🙂 Inhmuh nikhua te a awm anih chuan, ‘Eirawngbawl chu i chanpual‘:D

    • zochepa says:

      Hell’s Kitchen an Head Chef Gordon Rmasay hi kan school a rawn tlawh ve thin tak a sin.

      Hausak lam pawh a la ni lo, bul kan tran ve dek dek chauh a nih hi. In hmuhkhawm chu a chakawm khawp mai.

  3. bawmrang says:

    I pal tlang tawhna zawng zawngah lawmpuina ka hlan che.

    I hmabak theory exam final pawh I pal tlang theih ngei ka beisei.
    Amah rawn chung zela taima taka kan thawh chuan hlawhtlinna chu kan ta tur a lawm!!!

  4. Makony says:

    E khai a, A pa lawma ngei ngei. Engtikah emaw chuan ei theih hun la awm ngai ang le……….. Pathian zarah i thil tum chu pal tlang ngei ang.

    • zochepa says:

      Pathianzarah kan dam anga in khaw lam te pawh ka la rawn zin ang chu, chumi hunah chuan ka kut chhuak chu in la ei em em ang.

  5. dik's says:

    thianpa, i taihmakna leh i tumruhnaah avangin i zirnaah tum dinhmun i thleng thei hi ka lawmpui hle mai che. Kawng engkimah hian a paraktikal tak hi a harsa viau zel a, hetiangin i han paltlang tawh leh nghal, a theory ah chuan i buai lo hle tih a rinawm, i hmachhawn leh turah pawh ngaihtuah i awm lo, Pathian kaihhruaina chang zel tura duhsakna che nen ka lawmpui tak zet a che.

    • zochepa says:

      Hmabak hi huphurhawm ang reng khawp a, in miduhsaknaah ka lawm a, min duhsak ang ngeiin Pathian zarah pal tlang ngei bawk ila ka va ti tak em.

  6. Sandman says:

    Congratssss… kei pawh “Hell’s Kitchen” leh “Top Chef” ka lo hrechhuak zawks. Ka u in a enziah vang hian keipawn ka en ve ziah thin 😀

    A tui hmel hlawm khawp mai. Pear poached in wine ah khian bekang an telh leh zeuh phei phei la chu… 😀

  7. keimah says:

    @zochepa, engtikniah emaw te i eisiam ngei kan la ei ang chu ti raw! Ka chil a put deuh nghal mai! Ka lawm pui em em a che. I hmabakah hlawhtling zel turin duhsakna ka hlan a che.

    • zochepa says:

      @nangmah, 😀 nia Pathian zarah dam ila, intawn hun te kan la nei ngei anga, ka thil siam ngei kan la ei ho ang chu. Min lawmpuina leh min duhsaknaah ka lawm e.

  8. dik's says:

    U Lawm ka lawmpui tak meuh meuh a che. Theory examah pawh i pass ngei theih nan kalo tawngtai pui dawn che a nia.

    Dika nupui

  9. wonderboy says:

    Lal-chepa, Pathian zarah leh i thawhrimna a zar ah tha tak in i pal tlang thei chu ka lawmpui khawp mai che. Theory hi chu practical ai chuan zia deuh tur ah kan ngai deuh ngawt a, tihsual palh pawn a thaichhiat leh maitheih a! 😀 tha deuh a i exam theih ngei dan duhsakna ka hlan a che!

    I thil siam ho khi ka ei chaaakkkk! 😀

  10. amanda says:

    Congrats Chepa-te i van zo fel teuh tawh ve aw, tuihmel hlawm bawk sia !

  11. dula says:

    congrats!!

  12. chera says:

    i blog ah ka vawikhat comment na…
    congratsss…

  13. Sam says:

    Chepa chu iva tih tha ve aw… ka ngaisang zawng tak i ni… Tem vechhin a chakawm hlawm ngawt mai.. chuan Zopa ah chuan palian tawk tak hrisel hmeltha tak i ni bawk hi…

  14. zochepa says:

    @amanda, Ku dul, chera & sam, min lawmpuinaah ka lawm e.

    @sam, ka pate lutuk 5’5″ chauh ka ni. Ka blog i rawn leng lut a ka lawm e. Nidangah pawh i rawn thlawh fo dawn a nia.

  15. H.Vangchhia says:

    Dam kan hauh anga, khalam kha lo zin ngei ka tum ania, chaw kan ei teuh ang.

  16. Ditto says:

    i chhuanawm tak zet , duhsakna ka hlan che

    • zochepa says:

      Ditto, ka blog i rawn leng duh hi ka lawm hle a, i duhsakna min hlan phei chu ka lawm deuh deuh. I hun neih changin i rawn lenglut thin dawn a nia. ka lawm e.

  17. Chhangte bp-a blog ah sawn ka komen thei tawh lova, kan try chhin leh ange tah hian.
    Hei, ka chhiar chhuak vek a, a ropuiin i chhuanawm hle mai, Che-a ! A hautak dan tur hi ka hrethiamin ka hria mahse i hlawhtling chho zel a, Mizo pa chhulchhuak ngat mai Master Chef i han ni tur hi ka ngaihtuah pawh hian a ropui ka ti. I hlawhtlin hnu a, i sum hui lut tur vel te ka mitthla lawk a, nupui a tan inla parh lo, hmeltha ve tak, nu tak, i thuhnuaia i dah ngei tur nei turin ka duhsak a che…. Ila tih leh zel turah pawh hlawhtlinna sang ber ka duhsak a che.

    • zochepa says:

      Blogspot ho hi comment theih loh chang a awm zauh zauh thin.

      I chhiar chhuak peih chu i va taima ve. Master em chu ka la ni rih lo a nia. Tin, ngaisan vak tur pawh ka awm chuang lo, in eizawnna atan hna in thawk a thil in zir ang khan keipawh ka eizawnna atan ka zir a ka thawk a ni mai, eng hna mah hi ngaisan em em tur leh ngaihnep em em tur poakhat mah a awm lo.

  18. zawni ma says:

    va ropui hlawm ve a, taima, hmuhnawm hlawm hle mai, i thil rawn ziah te hi ka hlawk pui ve thin a nia,Pathianin malsawm zel che rawh se.

  19. sawmi says:

    A tlai viau tawh naa ka hmu ve chauh sia, a va ropui em ka’n ti ve hluai tehang, thawk rimte chu Pathianin mal a sawm thin reng ani, ka lawmpui a che, i eisiam ei ve a chakawm hle mai a

  20. irenehnamte says:

    CONGRATES! India 5 Star hotel ah administration lam deptah ka awm ve a. Kitchen life hi harsa ka lo tih pui thin khawp mai. Kan Mizo nu pakhat hi continental chef in a awm ve bawk a, kan ti ti dun nasa thin khawp. Thai chef kan thawhpui nu pawh hian sawi tur a nei teuh thin, ka bul hi an in sawi thawven na pakhat ve nia.

    I hun lo kal zel turah duhsakna sang ber ka hlan a che

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s