Lunglen dan tur ka thiam lo


Vawiin chu kan veng velah kan tei kual vel a, kawng sir leh mi huan a mi pangpar mawi tak tak a lo par vul chuk mai a. Ka rilru-ah chuan,”Favang(Spring) a lo thleng leh ta der mai, pangpar te pawh an vul leh chuk ta”, ka ti rilru neuh neuh a. Ka pian ka seilenna ramah kha chuan ,Favang a lo thlen kha chuan, ” Bar/ber thla kan lo thleng leh ta, thlasik rim kan nam tran”, tih kha thinlungah a lo lang a, mitthlaah leiletlova buh hring dup mai kha a lo lang thin a, vawiin-ah pawh chu ngei mai chu ka mitthlah a lo lang leh ta.

rice-fields

250920091846

Ka rilrua ka lo thanlen hnan tawh”Bar thla Fangvangah chuan buh hring dup leh thlasik rim kan nam tran”, tih chu rilruah lo lang mahse, tuna ka chenna ramah erawh, Favang(Spring) a lo thlen chuan Thal kan hneih tawh tihna a lo ni zawk a. Khawvel pang lehlam tunhma ka lo awmna thinah chuan chhun an hman laiin hetah chuan zan kan lo hmang a, zan an hman laiin chhun kan hmang zawk hlauh a. Masi lai thlasik daitla leh vawt an hman laiin thal kan hmang zawk hlauh a. Lung han tih len dan tur pawh ka thiam ta lo, ka ngaihtuahna chu mahni khua leh tui lam daih a ni a, ka hmuh leh ka tawn mek erawh ka lo seilen pui boruak nen a letling thawk a ni si a. Lungleng dawn dawn ang chuan ka awm a, han lunglen dan tur chu ka thiam ta mang der lo mai, ka lai ta hut mai.

In ka haw chu ka ngaihtuahna chu kal ding zelin eng eng emaw ka ngaituah a. Mizoram ka zin dawn trumah Run chho-ah ke a kan kal ho laiin thereng/lelte hi a rawn kiu ral ral mai a, kan kalpui pa upa lam chuan”Awww lung a va ti leng tak emmm!!”, a ti vawng vawng mai a. Rawlthar pa-1 ve thung chuan, “Chu thereng chu a va bengcheng e aw”, a ti bui bui thung a. Thlam, chul, thlawhhma,etc.. te chu mi tam takin an kal pelh mai mai laiin mithrenkhat tan erawh an hlir vawng vawng a, an lung ti lengtu leh nunhlui ti ngaitu te a lo ni a. Hmanlai zaithiam H.Lalchawimawii, Sailothangi Sailo, etc.. hla te chu upa lam tan chuan ngainawm an tih ber pawl leh an lung ti lengtu em em a nih laiin thangthar threnkhat tan chuan thring an ti em em ve thung a. Rap, pop,Heavy rock/metal,etc..te pawh kan duh dan a in ang lo, thenkhat tan a ngainawm a, threnkhat tan a bengchheng thung a ni.

250920091849250920091850

Ram threnkhatah chuan mahni fa ngei pawh zilh nan vuak & kutthlak a thiang lova, ram threnkhatah erawh an tih dan thin pangngai ang a ni thung. Khawvel hmun threnkhatah ni chhuak an dawng hmasa a, threnkhatah erawh an dawng hnuhnung a. Chutiang ang chuan khawvel finna thiamna te pawh hmun htrenkhatah an dawng hmasa a, hmun threnkhatah an dawng hnuhnung ve thung a. Kohhran threnkhatah incheina uluk tak leh Biak-In chhunga ei leh in an serh em em a, Kohhran Hall & Chalpel-ah pawh Lengzem,lenglawng hla sak an duh lova. Kohhran thren khatah erawh eng thawmhnaw pawh ha se, tumman an sawisel hran lo a, pastor te pawn kekawr bul nen an inkhawm a,Biak-In chhungah ei leh in duh hun hun ei in theih turin an dah bawk a, Hall & Chapel-ah pawh lengzem & lenglawng hla pawh sak an awih a. Function hrang hrang pawh hman an awih thung a ni.

Thil pakhat kan beng a lut kan dawnsawn dan leh kan mit a kan hmuh dan te a in ang lo hle a. Kan duh zawng leh kan ngainat zawng te a inang lo hle bawk a. Kan dan leh hrai te a dang lam hle bawk a. Kan nunphung a inang lo hlawm a, kan ngaihdan a dang a, kan khawvel hun hman dan pawh a dang a.Kan duh zawng leh ngaihnawm tih zawng nilo mahse, a dawnsawn dan, a pawm dan leh a thlir dan kan thiam a ngai hle a ni. Tunlai khawvel milh a kan nun thiam hi a pawimawh hle a. Kohhran khawtlang , ram leh hnam pawh tunlai khawvel mil a kan enkawl kan kaihhruai thiam a tul hle a ni. Kan culture pawh chhawm nun tur tha tam tak a awm rualin, paih tur tam tak a awm tawh a, kan thinsenin a lo thanhnan tawh kan kal phungte hi kan sahuai thing vawn tlut tur a ni lova, kan her rem a ka sawi danglam ve zel a tul a ni.” Tih te hi ka ngaihtuah chhuak a, Lunglen dan tur thiam lo mah ila, ka awmna  a zir leh ka hun tawn a zir a, a dawnsawn dan tha leh a hun leh hmun milh a ka khawsak thiam nan ka inzir nasat a ngaih zia ka hriatchhuak a. Kan dam chhung hun hi Thasiama ang a Thangthar nun kan nin loh nan thangthar nun hi zir pah zelin, thangthar te zirtir pah bawkin,thangtharte pawn  kan nun phung, kan kalphung, kan dan leh hrai te pawh KAN HUN TAWN MILIN i siam dang lamin i her danglam zel ang u.

20092008063

Advertisements

About zochepa

Tahan a piang leh seilian ka ni a, fiamthu duh tak leh thian ngaina tak mi ka ni. Sports lam hi a en nuam ka ti deuh vek a,football, intlan siak, inzuan siak, martial arts & chess khel hi nuam ka ti zual bik.
This entry was posted in article. Bookmark the permalink.

11 Responses to Lunglen dan tur ka thiam lo

  1. chhangte_ll says:

    ‘Down Under’ ah chuan nipuia Christmas in hmang tak e maw, Jim Reeves a sak ngei ‘Dashing through the snow….‘ ngaihthlâk a va chi awmloh ve 😀 I sawi ang deuh hian thil tha tamtak chhawm zel chunga thil thar tamtak zir a ngai alawm. Kan hotupa sawidân takah, “Ka hlui dawn lo reng reng” tih hi thaber in ka hria – Chumi rual rualin ‘Time-tested Cultures’ hi hnawl chi ani bawk lo e.

    • zochepa says:

      Helamah chuan Christmas ni pawh hian Christmas pawh a ang ve lo. :)) Masi hla tam tak hi chu kan tan sak a rem ve lo, Vur ,dai, Thlasik,etc.. lam hawi telna chi chu a inhmeh vak lo.

  2. dula says:

    “Awm khua a har chang in
    Nunhlui ka dawn thin a
    Hman a kan tuanna tlang
    ………..
    Tlaini kawl aliam a
    chhawrthlapui eng hnuai ah
    A mi leng te tual an chai
    Kan sumtual ah
    zan khua alo rei in
    Bawhar ten zai an sa
    Leng i runsang kai
    val tha tin a hun ta”

    tih hla te pawh min hriat chhuah tir zawk mai alawm le…chepahakhat tu phuah nge i hre mial lo maw???

    • zochepa says:

      YZTP concert a, Edentharnghaki(Edeni) sak kha a ni lawm ni? Pu lalzidinga(Pu Dinga), Yangon, Burma, phuah a nih kha.

  3. i thlalak rawn dah tel chu a nalh hlawm hle mai.
    I thuziak pawh a tha; a dik khawp mai.

    • zochepa says:

      Thingtlang Pa, ka blog i rawn lenglut a ka lawm e. Lunglen luatah eng eng emaw hi kan thai kual ve a, tah min lo tih chu a lawmawm hle mai.

  4. amanda says:

    Thianpa i tlaizawng par chu a van mawi ve, Japan ram ah khian an national flower a nih vang khian an ngahin a mawi ka tithei hle mai a, in khua ah chuan Masi laiin vur tla emaw khawvawt emaw pawh awm lo mahse Chumi zan reh tak ah chuan thlasik vur daifim hnuaiah tih kha lo sa ve tho rawh 🙂

    • zochepa says:

      Thiannu i dam thin maw, i va vang em em ve mawle? Nia,naupan lai atang a Masi hla kan lo sak thin bak lo kha chuan thinlai a luah tak tak thei lo. 🙂

  5. Pingback: 2010 in review « Zochepa’s Blog

  6. B.Nu-i says:

    thiam loh leh lungleng ve lo tawp la ani mai alwm inzirtir vak ngaihna awm hek suh intih luih lh zir tam avang a thiam chi pawh ani lo

  7. Mizo Nula says:

    Ka lung a va’n tileng tak em

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s