Ka pa thihcham hriatreng nan


Ka pa thihcham kum- 22 a tlinna ni vawin 19th, May, 2009 chu a lo ni leh der tawh mai. Kum-22 lai liam mahse, nikum lawk emaw tih mai hi a la awl a, a hranpain thu ka ziak hman lo a, nikum a pate ni a ka thu ziak kan dah a nge.

He hla thu hian ka rilru awm chu a hril chiang khawp mai.


Ka lei pathian, ka pa, kawng tin renga min enkawl, zirtir, kawhhmuh leh thlamuantu, ka naupan lai khan i thlazar hnuaiah thlamuang takin ka lo awm thin a. Engkim tithei, huaisen ber leh tha bera ka ngaih thin, min zilhhauna leh i mi enkawlna avanga tun dinhmun min thlentir a vangin ka lawm e. Thlama kan riah dun laia sakhi huk leh silhal uu ka hriata, ka hlauh avanga i bawp kara ka thut te khan engmah reng hian min ti buaiin min tina thei tawh lo tur ang khawpin ka thlamuanpui che a. “Ka pa, ramhuai hi eng ang nge?” tia ka zawh che khan, “Ramhuai chu keimah hi ka ni a, ramah keimah chauhvin ka kal a, engmah hlauh ka nei lova, ramah ka huai em em a, chuvangin ramhuai ka nih hi,” i ti sam et a. Ramhuai chu ka pa ka ngainat em em leh ka chhuan em em chu a nih a vangin, ka lo puitlin thlengin mi faten ramhuai an hlauh laiin; hlauhna nei ve lova ka lo awm phah a vangte hian ka lawm e.Ka lenvahnaa thil ka chhar haw te khan; khawi a mi nge? Eng vang nge i rawn chhar? tiin min zawt a. A awmna hmunah min dahtir leh thin a, sazei (hremna) hialte mi lo pe thin kha thil tha lo tihna tur ata min lo veng lawk a ni tih ka hriatin ka lawm e.

Mi nau awmze nei lova ka velh/kutthlak te khan a chhan min zawt a, ka thiam lohna a nih chuan min hrem thin a, khang te kha dik lo taka mi chunga ti lo tura min lo zilhna a ni tih ka hriatin ka lawm e.

Mahse maw ka pa, miin min velh/kutthlak a vanga ka rawn tah haw changte khan, ka thiamna a nih chuan aia upa leh lian/chak zawk pawh nise, hneh hma loh chu sual tura mi tih erawh kha chu; hreawm ka va ti thin tak em! Mahse tunhnu hian a chhan ka lo hre ta; mahni diknaah chuan huaisen taka tang ngam tur leh khawi hmunah pawh awm ila, diknaa tang ngam turin min zirtirna a lo ni reng mai tih ka hriatin ka lawm e.

Ka pa, “Engmah ro sum pek tur leh sem tur kan nei lo a, zirna/thiamna theih tawpa inzir hi ro kan pek thei che u a nia, he ro hi in neih chuan tumahin an laksakin an chhuhsak lo ang che u,” i tih thin kha ka theihnghilh ngai lo a sin. Kan lehkha zir lai a, i thiam tawk a min zirtir leh kan lehkha en hun chhung chu mu lova min vil reng thin te kha e; mual min liam san hnu pawh hian mitthlaah a cham renga, ka thinlung hian a theihnghilh thei lo a sin. Zirna kawnga tan min laktirtu ber a ni thin a. Ka hlawhtlinnate chu a takin tawng ve hman lo mahla nangmah avang a ni tih hi i chawlhna pialral atang min lo hriatpui ve dawn a nia.

Ka pa, kan chhungkuaah mipa pawn mahni chaw ei thleng sil a, a ei hnuhnungin hmunphiah leh thleng zawng zawng sil tur i tih te, mahni thawmhnaw hak balh suk te, eirawngbawl kawngah a hmei a pa awm lova, a inchhawka bawl tur i tih te kha ka va ngaithiam lo tak em! Kan thiante chu an farnuten thleng an sil a, eirawng an bawla & an thawmhnaw an suk sak thin a, ka hnial ngam bawk si lo che a. Mahse ka lo puitlin hnu hian e; ka hrethiam ve ta. Kan tan thil tha tur i lo thlir lawk a, mahnia chettlat ngaihna hmunah mifaten eirawngbawl leh insuk thiam lo leh harsa an tih em em laiin, ka tan harsatna leh hreawm tihna awm lo va; thiam taka ka tihtheih avang hian ka lawm tak zet a ni.

Ka pa, rim taka min lo enkawlna leh min beiseina te chu hre reng thin mah ila, i chungah engmah ka tihlet ve theih tawh lo tura mual min liam san mai erawh hi chu thinlai a dam thei mawlh lo e. Theih nise chuan chengrang chawiin thihna chungah hian phuba ka la ngei tur a. Kum-21 lai a lo liam ta, mahse ka theihnghilh thei lo, kha zan (1987-May-19 zan) tluka khawvel a ka rilru nat, beidawng & lungchhiat kha a awm leh tawh ngai lo ang. Khawvel min chhuahsan ni May-19 hi calander-ah hian chawhreh hmiah theih nise ka va ti tak em!! Thangkhat liam zet a rei ni tawh mah se; kei ka thinlaiah nikum ang lek mai hian a thar leh thin.
Mahse, LALPA-ah chuan lawmthu ka sawi e. I taksa na tuar nasa lutuk chu natna awm tawh lohna hmunah hlim takin A chawlh tir che a. Lusun fate dinhmun hriatthiamna min neih tira. Khawvel hi kan khualzinna ram a nih zia min hriat chian tir em em a, Lalpa ka lawm e.

Ka pa, he kan khualzinna ram ka chhuah san hunah i chawlhna ram mawiah hlim takin min lo hmuak ang che aw!!!

Advertisements

About zochepa

Tahan a piang leh seilian ka ni a, fiamthu duh tak leh thian ngaina tak mi ka ni. Sports lam hi a en nuam ka ti deuh vek a,football, intlan siak, inzuan siak, martial arts & chess khel hi nuam ka ti zual bik.
This entry was posted in Pa hmangaigna and tagged . Bookmark the permalink.

16 Responses to Ka pa thihcham hriatreng nan

  1. chhangte_ll says:

    I pa boral na chu a rei tawh hle na a i rilruah a la châm reng ani maw. A mak hranlo e, ka Pa pawh hian a Nu leh a Pa thihchampha hichuan biak tawngzawh ani ngailo.

    • zochepa says:

      Theihngilh hi a har khawp mai. he ni hi chu a theih chuan, engmah ti lo a In a awm mai mai hi ka duh thin.

  2. Kima says:

    God bless you, zochepa. Kum 22 hnuah pawh i pa i la hre renga, i la zah renga, i la ngai reng te hi thil ropui lutuk a ni e. Blog hmangin i pa thihchampha chu kan lo hriat reng pui a che.

    • zochepa says:

      Hotupa, min hriatthiampui a ka lawm e. Keini aia, rethei leh harsa zawkte’n an paber an han sun te ka hmuh hian ka lainat thei a sin aw, a chhan chu keimahin a tak a ka lo tawrh tawh vang a nia.

  3. amanda says:

    Chepa chu Nu & Pa i chawimawi thiam hle mai, bakah thu leh hla i i lo thiam riau bawk a ni, a ngaihnawm khawp mai.

  4. ThaiBoy says:

    Pa ilo nei tawh biklo ani maw? Kei pawh ka pa in min boral sanna kum 12 lai ani ta mahse nimin mai ang kha ala ni reng mai , ka hriat thiam pui lutuk che.

  5. dula says:

    a ngaihnawm hle mai…kei pawh ka pa boral na hi kum 3 alo tling ve ta reng mai!!

  6. zochepa says:

    @amanda, ka thu ziak te min chhiar sak thin vangin ka lawm e. 🙂

    @ThaiBoy & dula, pa in chan ve ve tawh a ni maw? Pat’n min boral san hi chuan, Inchhungkhur a nghawng dan leh kan ngaihtuahna a nghawng dan hi a thuk tlat nia.

  7. Thianpa, he i post hi ka chhiar ka chhiar a, a hma pawhin, comment ka tum lem lo. vawiin zet chu comment lo thei ka ni lo in ka hria a, ka rawn ziak ve hlawl a nih hi. Vawiin June 3 ka pa boral na kum khat na chiah a rawn thlen hian, ka lung a leng hle mai. I thu ziak khi ka pa hnena ka lehkhathawn ni ve thei se ka ti hle mai.

    I remember Daddy´s hands, folded silently in prayer.
    And reaching out to hold me, when I had a nightmare.
    You could read quite a story, in the callouses and lines.
    Years of work and worry had left their mark behind.
    I remember Daddy´s hands, how they held my Mama tight,
    And patted my back, for something done right.
    There are things that I´ve forgotten, that I loved about the man,
    But I´ll always remember the love in Daddy´s hands.

    Daddy’s hands were soft and kind when I was cryin´.
    Daddy´s hands, were hard as steel when I´d done wrong.
    Daddy´s hands, weren´t always gentle
    But I´ve come to understand.
    There was always love in Daddy´s hands.

    • zochepa says:

      Thianpa, a ni tak i pa thih kum-1na a lo ni der tawh tak e. Ka lo tawrh hnu a ni a, i rilru a awm dan tur chu ka hriat thiampui che. Nang phei chu a la rei lo em a, nimin ang lekah i rilruah a la awm ngei ang.

      Pa te hlutna hre chiangtu leh pa hmangaihna angchhung a awm a nuam zia hretu i ni a, i thuziak pawh a thain i rilru a awm i phawk chhuak thiam khawp mai.

      Engpawh nise, he kan zinna ramah hian lungngaih tah leh hathialna ka tawh ang bawkin hlimna pawh kan tawk thin a, kan tawnhriatte hi mite hriatthiampui nan hman tum hram i la. Lalpan tlamuanin malsawm che rawh se.

  8. denbawihi says:

    U lawm, he i thuziak hi, ka chhiar tawh thina ka rilru a khawih emema, tun ka chhiar leh a, ka rilru a khawih dan a la in ang reng. I rilru a awm te i phawrh chhuak thiam hle mai. Ka mittui a tling thei alawm!
    Ka pa hi ka hmangaih khawpa, a damlai ngeiin duatna hun ka nei theia vannei ka in ti hlea..engtikah emaw chuan chatuanram min pansan ve anga..tih ka ngaihtuah chanin..awmngaihna ka hre lo…
    “I pa chu nang aia hmangaihtu a Pa, Pathian angchhungah a awm,” ti ila i thikthu a chhe lo vang tiraw.
    Lalpan I hnathawhnaah hmuingilna pe zel che rawh se.

    • zochepa says:

      Denbawih ka thu ziakte min hlut sak thiam a ka lawm e. Nu leh pa i la nei vangin Pathian hnehah lawm thu sawi mawh mawlh la, i theih tawpin an dam chhung hun hlim tak a an hman theihna turin tan la la. Nangmah avangin lawmna leh hlimna an neih theina tur leh nu leh pa chawimawitu nih reng tum la, mual an liam san hnu che pawn i tawrh zia deuh ka ring.

      Keipawh tunah hian ka nu a la dam a, ka suangtuahnah thi anga ka dah chhin chang hian ka mitui hi a tla zawih zawih thin a sin. I rilru awm tur chu ka hriatthiampui khawp che mai.

  9. irenehnamte says:

    I blog hi ka lo en ngai lo reng2 a. I ziak tha hle mai a. Hnuk te pawh a ulh rum2 mai alom le…….

  10. Gareth tlau says:

    K tawrhpui khawp mai ce,mahse ka lo chhiar har deuh a ni.i chhuanawm hle mai,ka chhuang lutuk che nia

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s