Ei siamtuidan thuruk


Restaurant changkang deuh a thil ei chuan, mahni siam ai chuan a tui duh deuh ngei ngei thin. A tui bikna chhan hi tui turin nasa takin an lo zir a, a pawlh awm tawk, mei sa control dan tawk, apawlh ho thlak hun bi dik,etc.. a tam mai a nga, zirloh chuan a vai vai a thiam mai chu thil har tak tur a ni. A thuruk pawimawh deuh deuh tlangpui tar lan tum i la.

1. thil kan, stock, soup,etc.. ti rimtuitu a tan hian purun var chandip(dip deuh a chan /densawm) hi an kang hmui hmasa phawt thin. Thenkhatah chuan purun sen chansawm pawh an telhna awm ve bawk. Heihi French,Asian,etc.. ei siamna a ahmasa ber ei tirimtuitu a tan a an hman a ni.

2.Chow/Khohsuai(Noodle) kan, chawkan & vermicelli(Chia Zan) kan reng rengah hian chi & hmehhana hi a phut/dip a thlak/pawlhloin atui(chi/hmehhanna hi tui nen chhuan pawlh a, um chhungah dah ila, chawkan thleng-1ah fian engzat nge ngai? chhinchhiat bawk ila) nen a pawlh hian kan thil kana kha a fan chhuak hma a, a al/hang rual duhin achhungah pawh a lut awl a ,a titui duh bik a ni.

3.Mei tihsan leh hniam hun hriat: thil kan ang chi chow,chaw, vermicelli,etc ang chi hi mei a san loh chuan a mawngah a bet duh a, a bet chuan a bet ho kha a ut a, a dang pawh a ut rim a ti nam vek a tui loh phah thin . Mei a sat lo vangin a bet duh a, mei a sat lutuk vangin a ut duh bawk a, mei a awm tawk venthiam hi a tul hle a ni. Note: kan bungbel hman a zirin a ut/bet awl leh awllo a awm thei a, kan bungbel hman kha hriat chian a tha.

4. Ahun taka thlak: Kan thil chhum tur hi thenkhat chu tui nen chhuan rual nghal ngai chi a awm a, a then chu tui so hnua thlak chi a awm. A pawlh tur chi,aieng,hmehhanna,etc.. ang chi pawh a hmin hma atang thlak nghal chi hi a tam zawk a, ahunbi diktaka thlak loh chuan a ti tuilo phah thei ani. Chumi chu tuiso hma athlak tur, chumi chu tui so hnua tlak tur,etc..ang chi chu a chipchiarin kan sawi seng lo ang a, mahniin chik takin kan ngaituah mai dawn a nia. Chi thlak ngei ngei tur kan thlak theinghilha, eidawn tepa thlak chop, aieng kan hmui hmasat tur ei dawn tep a aieng hel thlak choh ang chi te hi a tui tak tak thei lo.

5. Thlai hmin lutuklo(Asei Chaw) a tui tak a kan dan: Butter,ghee& sahriak(butter hi sap ho hian an hmang nasa a rim tui dan pawh a dang deuh, sahriak(tel) pawh hi a chi dang dang a awm angin a rim pawh a in ang lo viau a, mahni rim duh zawng thlan thiam a tha, Chinese ho hian vawkhriak  hi an hmang duh khawp mai.) tam vakloah purun var chansawm in kang hmui hmasa ber a nga, chi, hmehhanna, thinghmarcha phut,etc.. i pawlh a nga tui i lei a nga, i thlai kan tur kha a hmin har deuh chu i thlak hmasa a nga, a hmin awl deuh chu i thlak hnuhnung ang. I thlai kan kha i chawk deuh reng a nga, a  hmin lutuk hma a rawn hring tak nguih velleh suan la, atui ho kha i thli hul ang. Chuan, purun sen/var kanro/hmui& badam(Mi pee) kan den sawm thlak pawlh la tui takin ei thei a ni ang. Thenkhat erawh a tui nei deuh chi a kan chite pawh  a awm a, chungchu starch tui a chiar in thlak ila a tui a ti hnang tui duh. Chinese restaurant a thlaihnah kan tui bik riuana chhan chu a chunga  kan sawi anga an kan, an pawlh vang leh tharhlam takin sa/lum vut vut a kan ei hian a tui duh bik bawk a ni.

6.Bawlhlo pawimawh zual hman tlanglawnte: Soya kichep,soya sauce, fish sauce(Ngan Pia Yi), Oyster sauce &  Hoisin sauce te hi sauce-ah chuan Asian ho hman tlanglawn berte an ni. Tin, hmehhanna(Ajinomoto/MSG) aiah chini or Chicken powder hi an hmang nasa bawk.Sap ho hian chicken stock, fish stock, beef stock, vege stock hi a ti hang & rimtuituah an hmang thin. Thinghmarcha phut(black pepper powder) hi hnam hrang hrangte hman nasat pawl tak a ni bawk.

7. Chik leh uluk taka, kan thil siam ngaisak a, a that dan ,a tui dan & awlsam dante chhinchiah zel hi hmasawna leh a ti tuitu pawmawh ber zing a mi a ni.

8. Tem chhin tur: A pawlh a al/hang tawk em tih hriat nan tem chhin hmasak hi a tha, a al/hang tawkloh leh a awm tawk pawlh belh nghal vat kha a tha.

Thil reng reng hi awlsam taka thiam mai thei hi thil vang tak a ni a,eiin siam lam pawh hi a tak a in zirtir ngei pawn thiam mai har tak a ni a, ziak atang a inhrilh ang phei hi chu a lo timi deuh tan loh chuan hriatthiam leh tih fuh a har ang tih hi mitin hriatsa a ni ngei  ang. Pawimawh ber chu mahniin rilru leh tihtakzeta kan ngaituah a, kan zir chawp zel hi pawimawh ber a ni. Heng ka rawn tarlante hi chu a bultanna hriat tur pawimawh zualte choh a ni e.

Advertisements

About zochepa

Tahan a piang leh seilian ka ni a, fiamthu duh tak leh thian ngaina tak mi ka ni. Sports lam hi a en nuam ka ti deuh vek a,football, intlan siak, inzuan siak, martial arts & chess khel hi nuam ka ti zual bik.
This entry was posted in knowledge. Bookmark the permalink.

2 Responses to Ei siamtuidan thuruk

  1. miteii says:

    A tawi fel thra top…..

    tem chhin tur tih hi ka duh tawp…. ka lo temchhin tehchiam ngai lo va,chawhmehtem chin hi a mawi ka lo ti vak thrin lo va… hehehe

    mahse nang meuhin tem chhin tur i ti si, zawm tawh tur anih hi…..tem ka lo ching tawh ange…. hehee

    • zochepa says:

      miteii, chawhmeh siam tem chhin chu a pawimawh khawp a sin. Al em? a hang em, a thak em, eng nge telh belh ngai tih? tih hriat theihna ber nia, lo ching thin tawh rawh. A mawi lohna a awm hran lo, professional chef ho pawn an tem ziah a lawm.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s