Ei Leh In


Ei leh In hi mihringte nitin nunah thil pawimawh berte zing a mi a ni a, kan ei kan in a vangin kan tak sain chakna a lo nei a, kan duh zawngte kan ti thei phah a ni. Ei leh in hi kan taksa tan a tha tur hi kan thlan thiam a ngai a, a siam danah pawh a hrilsel zawk a siam te hi a pawimawh hle a ni. Thil chikhat rau rau pawh siam dan a zirin a tuiin tuilo thei a, a siam dan hi kan ulukin kan zir belh zel a ngai a ni. Eiin kan siamin rilru leh tihtak zetin, a eiintu turte duhsakna nen siam hian kan siam tui duh bik a ni.

Thufing pakhat chuan, “I kain ei suh la, i thluakin ei rawh.”  a lo te a, kan eiin tur hi kan kain a duh zawng ringawt ei tur a ni lo a, kan thluakin ka ngaihthuah a nga, kan taksa tan a tha tur ei leh in kan thlang zawk tur hi a lo ni a, chuti chuan hriselna tha zawk kan lo nei dawn a ni.

Eiin siam dan leh sawngbawl danah hian kan fimkhur a ngai hle a, thlai hnah leh rah & thei thenkhatte chu rannung thahna hlo(Pesticides) hman a ni, heng hlo an kah/phul te hi ni-5 hnuah loh chuan ei a hlauhawm a, thlai kan siam tur reng reng uluk tak a tui nen kan sil a tul a ni. Eiin kan siamsa or  siam turte hi kan dah uluk a ngai hle a, tho bawm lo tur a dahthat te, a bik takin sa hi bacteria-in a duh bik a kan dah uluk a tul leh zual. Bacteria pa-1 hi minutes-20 danah pa-2-ah a chang/pung zel a, a rawn piangthara te pawh khan a rawn pun belh zel a, rei loteah tam tak an rawn ni mai thei a ni. Bacteria-ah hian chihnihin anthen a:

1.PATHOGENS, hei hi mihringte tan a hlauhawm mihringte min tina theitu a ni a, mahse bacteria sang tam tak zingah natna siam thei hi tlemte choh a awm a, tam tak kan ei tel hian eisual kan tih food poisoning hi a lo awm thin a ni. Pathogens bacteria hi chawhmeh thing, chaw thing leh sahringah te an awm duh bik a, a tlangpuiin eisual(food poisoning) ho hi an taksa chak tawk loh vang leh an pumpui/ril hna thawh that tawk loh vangin bacteria hnathawh hi a zo loh vang a ni thin. Mihrisel tan pawn he hrik hi an ei tel ve tho a, an hrisel vangin nantna an tuar ve lo mai zawk a ni, mahse an pumah heng hrik  a luh ve vangin an lo pun tam chuan a hlauhawm ve tho a ni. Heng bacteria tui(spore) hi tuisoah dar kar-4 chhuanso hnu pawn an la dam thei a, dar kar-4 ai tam chhhuanso hnuah an thi choh a ni. Tin, engmah eiin lo leh tui awm miah lo pawn kum tam tak an dam thei a ni.

Notes:- Food poisoning siam thei bacteria-te hian temperature 37° Celius(98.6 ° F) ah hian  rang takin an pung a, 37°C(98.6°F) chunglam atang a 63°C(145°C) inkarah hian a pun belh vak tawh lo a, a then chu an thi ve bawk. refrigerator(1-4° C/34.9 ° F) an dam khawchhuak thei tawh lo a, mahse an tui(spore) erawh a la chhe chuang lo a rawn keu leh thei tho a ni.

2. SPOILAGE BACTERIA

Heng bacteria hi chu a hlauawm lo a, a then hi chu mihringten kan hmang tangkai ve hle bawk. e.g. thil hmuar leh chawl(yeast) te hi spoilage bacteria-in a a siam a ni.

Hetiang a nih vang hian eiin reng reng phui tak a chhin/khuh a dahthat thei nise, sa kan channa/dahnate hi uluk tak a sil fai nghal zel hi a tha ber.

Mizote hi eiin siam dan hi kan nei tlemin kan thiam tlem em em mai a, hnam dang eiin kan ei kan in te hi eiin liam mai mai loin “Enge an pawlh, eng tin nge an siam?” tihte hi ngaituah nachang kan hriat a hun ta hle mai. Eiin siamthiam takin kan eiin thin ang pawh thiam tak a an siam chuan a tui em em zel mai, mihring theuh theuh kan senso in ang deuh reng siin mite chuan tui takin nitin thil an eiin thei bik hi an nihlawh hle a, kei ni pawn kan tihtheilohna tur a awm bik lo va, tan i la thar ang u.

Kan nu-te & kan pi-te eiin siam hi ramdang khawdanga han awm bo vang vang chuan kan ngai thin hle a, eng vang nge ni? Chhungkaw tan a tuilo ang tih hlau reng rengin an rilru zawng zawng nen duhsakna leh hmangaihna nen a uluk tak an siam a nih vangin a tui thei ang ber turin an ngaituah a, a tuidan an hriat an chhinchiah a, a pawlh awmtawk an chhinchiah a; chuvangin an thil siam reng reng a tui duh bik a ni. Chutiang bawkin keini pawh eiin kan siam dawnin rilru zawng zawng, duhsakna & hmangainain ti ve mai mai lovin mi tan eiin kan siam a, a tuidan, a pawlh awmtawk te chik tak a kan ngaituah chuan kan eiin siam chu a hming a siam ve mai mai ai chuan a tui ngei ang.

Advertisements

About zochepa

Tahan a piang leh seilian ka ni a, fiamthu duh tak leh thian ngaina tak mi ka ni. Sports lam hi a en nuam ka ti deuh vek a,football, intlan siak, inzuan siak, martial arts & chess khel hi nuam ka ti zual bik.
This entry was posted in Food & gallery and tagged . Bookmark the permalink.

16 Responses to Ei Leh In

  1. dula says:

    a tui hmel khawp mai..ril a ti tam thei hial mai ka ti..

  2. zochepa says:

    KaU dula chu i ti tha hle mai, ka blog a rawn leng lut hmasa ber i ni ka lawm khawp mai.

  3. chhangte_ll says:

    Thil reng reng chu uluk taka siam hian a tui a niberin ka hria. Bawlhlo thumun pawh mitin siamdan a inanglo tlat – A then a tui a, a then a tuilo. Tin, i chawhmeh rawn pholan te hi kan Mizo ei leh in nena han khaikhin chuan a tha hlawm hlein ka hria. Thlaihring eitam hi mihringin an mamawh ber chu a ni, mahse keini Mizote hian Sa hmeh tam apiang hi ei tha ei emaw kan inti tlat a – Heihi a diklo hlein ka hria. Tin, Pesticides i sawi hi ka vawikhta hriatna – Tih ve tawh ngei ngei tur ani.

  4. zochepa says:

    Ku Chhangte chu i rawn leng lut a ka lawm e. Nia Mizo ho chu sa ei hi ei tui leh ei thaah kan in ngai hi a dik lo khawp mai,inzittir kan ngai khawp in ka hria. Tin, kan thlai hnah/rah siam dante hi kan chhum hmin leh lutuk a, hengte hi kan taksa tan tha tur zawng zawng kan ti khawlo vek a, a fe choh kan ei ta a nia, hmin lutuk lo hring dap a siam dan te hi in tih hmuh a tha khawp mai.

  5. muantea says:

    Thianpa, i blog chu a va zia ve! Rilru leh uluk taka eisiam i tih hi a dik khawpin ka hria. Tlanchhe paha siam engmah a tha ngai lo reng. Keep up da gud work!

  6. zochepa says:

    Thianpa Muante ka blog min rawn tlawh vang leh min fak dernaah ka lawm e. Nia eiin lam hi rilru leh titak zet a siam chuan a tui duh tlangpuia, thil dang pawh rilru leh tihtakzet a tih hi chu kan hlawhtling duh deuh ngei ngeiin ka hria.

  7. Chhedane says:

    “I kain ei suh la, i thluakin ei rawh.” a dik khawp mai! Tin, rannung thahna hlo(Pesticides) leh eiin chungchangah hian Mizoram hian kan ngaipawimawh lo hle mai! Phai lam atanga thlaithar an lo thawn te hi an check mumal lo khawp thin in ka hria.

  8. amanda says:

    Chhiar a manhla hle mai, kan lo zir ve zel ang chu. Kimchi recipe te poh chu aw 🙂

    • zochepa says:

      @amanda, Kimchi siam dan chu ka lo zir ngei ngei a nga, ka update vel leh ka rawn email nghal dawn che a nia.

  9. funny says:

    eisiam lam hi i tih mi hmel riau mai, a tui hmek thei zek lehnghala chil i tiput alawm le.

  10. Tetei says:

    U Lawm, I Blog chu i siam tha khawp mai. Ka hriatloh ka hriat belh phah nasa a ka lawm tak tak a ni. “Hnam dang eiin kan ei kan in te hi eiin liam mai mai loin “Enge an pawlh, eng tin nge an siam?” tihte hi ngaituah nachang kan hriat a hun ta hle mai”, i tih hi a dik khawp mai. Chawhmeh siam dan chihranghrang i rawn tarlang zel dawn a nia. Nghakhlel takin ka lo thlir reng dawn a nia.

  11. vet_teia says:

    Ziak tha mange… tui hmel hle mai… nghapih i telh dawn lo mi?? he he..

  12. Pingback: Lawrkhawm

  13. Pingback: 2010 in review « Zochepa’s Blog

  14. I blog ka lo keu ve a,ziak mi tak leh mi mai2 lo tak i ni in ka ring..a bengvarthlak hle mai

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s