Fiamthu lawrkhawm part-3

Naute an kal har chhan

Hmanlai hian nuho inhmu khawm hian an fate kum-1 an tlin hnuah chauh an kal thei a, ransa ke pa-4 nei lem an pianhlim reiloteah an kal thei mai chu, Pu Vana hnenah thu an thlen ta a:

Nuho hruaitu: Midang zawng kha chu pawnah lo awm ula, keimahin PuVana ka va bia anga, pawn atang a tul dan a zirin min lo tawmpuiin min lo tanpui dawn a    nia.

Pu Vana : Lei lama nuho chu enge inmamawh tak ni? Tanpui theih che u ka nei ang em?

Nuho hruaitu : Pu Van keini hringfate hi fa kan neiin kan fate kum-1 an tlin hnuah chauh an kal thei a, ransa ke pa-4 nei ho lem an pianhlim rei vak lovah an kal thei mai si a, keini nuho pawn kan fate hi an piana rei vak lo kal ve turin kan duh a ni.

Pu Vana : Ummm chutianga in fate an pian hlima kal thei mai in duh ve chuan in duh ang chuan ka tih hlawhlin sak ang che u ang a, nimahsela ransate angin chi inthlah hun hi kum-1ah thla-1 chhung chauh in hmang tawh ang.

Pawna nuho : Ka duh lo ti rawh!! Ka duh lo ti rawh!!! Kan fate chu kum-1 hnuah chauh kal thei mai rawh se, kan kalphung  ngai kha tha kan la ti tlang!!!

Nula thatchhia

Khaw pa-1ah hian tlangvalin nula a kherh a,”Bawihi ka hmangaih che a neih atan ka duh che a, kei min neih chuan engmah thawk lovin mawn hmetin ka dah ang che.” a ti a, a nula chuan,”A hmettu tur hlawhfa i lak loh chuan!” a la ti talh.

Russian-ho zu heh zia

Tourist pa-1 hi Moscow khawpuiah a zina, awkin thla a lem zanah tourist guide nen pawnah an leng chhuak a, tourist chuan Russian-ho a hmuh chuan,”Eee! nangni science lama sang leh ni leh thla leh arsi lam chhui peihho chu khu van lam hawiin telescope nen awkin thla a lem tur an thlir thup a ni maw?” a ti a. Tourist guide chuan an en chiang a, “Vodka a umin an birh a nih khu!!”

Kutin ngaiah a nei tawh

Rawlthar  pa-1 pawh hi boxing thla-3 chhung vel a zir ve a, a kal pah hian a kut hian a hnek vel zauh zauh thin a. Pa pa-1 hian, “Vala engtiziange i kal pah chuan boruak i hnek zauh zauh ni?” a ti a,”Ka pu boxing thla-3 chhung ka zira, ka kut hian hnek zauh zauh hi ngaiah a nei tawha, ka hriat loh lai pawn ka lo hnek leh zauh zauh thin a ni” a ti a, pa pa-1 chuan, “Eh eh eee! kum-30 chuang nupui ka nei tawh a, ka kal pahin ka va kal dep zauh zauh lo veeee?”

Chanchin thar

#China ramah mihring an tam lutuka, zai tura mimal solo an koh pawn pa-2 zel an zai. Hmeichhia an tam lutuka Male Voice-ah pawh hmeichhia an tel zel.

#Tunlai hian Tahan leh a chheh vel chu chhun pachan lai chuan a reh thei hle a, a reh lutuk hi a reh lutuk ri pawh a hriat theih.

#Pa pa-1 mu tui lutuk pawh a thanhar meuh chuan a a lo thi tawh.

#Tunlai hian south pole Antarctica-ah chuan thlasik a intan leh tawha, a vawt lutuk a vangin mihring chengte chu an khur nasa lutuk hi an thlan zawih zawih thei.

#Hmeichhe lam zirchiang mite chuan,”Hmeiche zung lai hi an kerek atang letling zawnga khai thut chuan an zun hi a so bawrh bawrh thei”, an ti.

#Tin, fiamthu thawhnaah hian mipa aiin hmeichhia hian an nuih nasat lutuk hian zun tlem an cheh awl bik an ti, a chhan chu a dawt a tawi zawk.