Youtube lam mi eiin siam dan

Thai food besil checken fry rice

Thai beef broccoli

Thai beef panang

Thai satay with peanut sauce

Thai food pad thai

Ei siamtuidan thuruk

Restaurant changkang deuh a thil ei chuan, mahni siam ai chuan a tui duh deuh ngei ngei thin. A tui bikna chhan hi tui turin nasa takin an lo zir a, a pawlh awm tawk, mei sa control dan tawk, apawlh ho thlak hun bi dik,etc.. a tam mai a nga, zirloh chuan a vai vai a thiam mai chu thil har tak tur a ni. A thuruk pawimawh deuh deuh tlangpui tar lan tum i la.

1. thil kan, stock, soup,etc.. ti rimtuitu a tan hian purun var chandip(dip deuh a chan /densawm) hi an kang hmui hmasa phawt thin. Thenkhatah chuan purun sen chansawm pawh an telhna awm ve bawk. Heihi French,Asian,etc.. ei siamna a ahmasa ber ei tirimtuitu a tan a an hman a ni.

Eiin siama relbawl dan awlsam leh hriattur pawimawhte.

Mizote hi eiin sam lamah hian a relbawl dan awlsam leh tha zawk hi ngaituah chhuah tum hi kan tam vak lovin ka hria, kan tih dan thin pangngai hi kan ring ngawr ngawr mai ni hian ka hria. Eirawngbawl hi hna pa-1 ang deuh thawah kan ngai te pawh a ang a, hna pa-1 ang a ngai si hian hmasawn leh uluk taka eiin siam hi ka tum em em hran lo a ang ka ti ve mai mai. Awle, eiin siam lamah hian Zofete hma sawn ve zel tur hian ka duhsak a, ka vei ve em em thin a, ka hriatna beihtham tak hi thenkhat tan a lo tangkai mial takin ka ziak ve mai mai ange.

Gas & electric stove nei tan chuan eirawngbawl hi a awlsam deuh a, thing , maihawl, khawnvartui,favai( phuai )& bawng ek ro hmang tan chuan mei han chhem tan mai tur pawh hi hun a duh rei a, a khu nasa thin hle bawk a. Tin, thuk hi kan nei tam em em ngai lo va, thuk hi pa-3 or 4 vel tal hi nei thei ila, a rualin kan thil chhum/mun tur pawh kan chhum/mung thei ang a, hun tam takin kan khawhral loh phah thei dawn a ni. Tin, antui, chaw- tui kan chhuan laite hian anhnah sih, buhhum thlan, purun kheh/chan,etc ang chi hi kan lo tih lawk sa vek hian hun a khawh ral lo deuh.

Ei Leh In

Ei leh In hi mihringte nitin nunah thil pawimawh berte zing a mi a ni a, kan ei kan in a vangin kan tak sain chakna a lo nei a, ka duh zawngte kan ti thei phah a ni. Ei leh in hi kan taksa tan a tha tur hi kan thlan thiam a ngai a, a siam danah pawh a hrilsel zawk a siam te hi a pawimawh hle a ni. Thil chikhat rau rau pawh siam dan a zirin a tuiin tuilo thei a, a siam dan hi kan ulukin kan zir belh zel a ngai a ni. Eiin kan siamin rilru leh tihtak zetin, a eiintu turte duhsakna nen siam hian kan siam tui duh bik a ni.

Mite rilru hneh dan leh inpumkhatna.

Mi rilru hneh hi thil awlai lo tak a ni a, a chantha zawk, nihna sang zawk, a hausa zawk, a fing zawk, dinhmun tha zaw,etc.. nih a vang a mi rilru va hneh mai hi a theih ngawt lo a. Mi rilru kan va hneh tumate kha, an thil tih thalo hle, mawilo hle, atthlak hle mahse kan va sawisel sak chuan tih dan tha eng pawh va hril mah ila, tlawmlakah a nei a, an rilru hneh a har hle  thin a ni.

Mi rilru chu engtin nge kan hneh tak ang le?

Mi culture, an eiin, an nunphung, an sakhua,etc.. te sawi sel mai lovin , hriatthiamna nen fakmawi sak atul hunah fak ila, inngaitlawm leh tawng kam thain bia ila. Kan thu sawi ang nen a inmilhin nung ila, dikna leh rinawmna hi vawng nghet bawk ila, miten min tanpui aiin mite tanpuitu nih tum reng ila, mite ber pawn thu sawi se an thu sawi ngaihthlak sak ila, thil kan hrilh fiah or zir tir pawn  rilru sei tak nen ngaithlak nuam thei ang ber turin awrawl leh an san lam hi hmang ulluk ila chuti chuan miten min lo kawmngeih a nga, min lo ring anga, min lo zah a nga mi rilru pawh kan hneh thuai  thuai ngei ang.

Inpumkhatna:

Ram inpumkhatna leh lungrualna awm lohna chu ram nuam a ni ngai lov a, hnam inpumkhatna nei tha lo chu an changkan ang turin an changkang thei lo va, in nghirnghona a tam duh. Chutiang zelin kohhran inpumkhatna nei lo chu kohhran nuam a ni ngia meuh lova, a keh te pawh an keh darh duh ngei ngei. Veng chhung inpumkhtna tha lo chu inrel leh innghirngho a tam duh a, veng dang pawn an zah lo duh deuh thin. Hna thawh honaah pawh inpumkhatna leh lungrualna a awm loh chuan hna thawh a nuam lo mai bakah, hna a nih ang turin kan thawk tha thei lo thin. Hetiang a nih vangin engkimah inpumkhatna hi a pawimawh hle a, kan in pum khat theina tur chuan mite hriatthiamna , infaktawnna, inzahtawnna, inpuihtawnna, rinawmna leh diknate kan   mamawh tak zet a ni.

Inpumkhatna kan neih theihna tur chuan midangte thian a ka siam a pawi mawh hle a, thian a kan siamna tur chuan mite rilru kan hneh hmasak a tul a, a chunga mi rilru hneh dan kan sawi ang hian mite ril ru hneh kan tum anga, thianah kan siam anga, inpumkhatna tha zawk a lo chhuak ngei ang. Keini Zofate hian hnam pum huapin inpumkhatna tha zawk kan lo neih theihna turin kan tawng theuhte hi in zah sak ila, kan culture theuhte hi in hlut sak ila, a chantha zawkten a chan chhe zawkte hmusitin hnuachhiah mai lovin a tul dan ang zelin intanpui tawn ila.  A chan tha zawk leh a fing zawkten a huikhawm lam hna hi hma lak tum hlawm ila, pa ber chan chang a hun pawn pa ber ang chan chang theih tum bawk ila, kan uanute nunphungte hi zir chiang ila,khawngaihna leh hmangaihnain  dawhthei takin kan intanpui tawn a, kan hriat lohte inzirtir tawn ila, pakhat leh pakhat inzahtawnin infak tawn ila, an rilru kan hneh a, thian a kan siam chuan tun ai hian Zofate hi kan lo inpumkhat leh zual ngei ang.