Thlalak vawmkhawm.

Fiamthu lawrkhawm part-3

Naute an kal har chhan

Hmanlai hian nuho inhmu khawm hian an fate kum-1 an tlin hnuah chauh an kal thei a, ransa ke pa-4 nei lem an pianhlim reiloteah an kal thei mai chu, Pu Vana hnenah thu an thlen ta a:

Nuho hruaitu: Midang zawng kha chu pawnah lo awm ula, keimahin PuVana ka va bia anga, pawn atang a tul dan a zirin min lo tawmpuiin min lo tanpui dawn a    nia.

Pu Vana : Lei lama nuho chu enge inmamawh tak ni? Tanpui theih che u ka nei ang em?

Nuho hruaitu : Pu Van keini hringfate hi fa kan neiin kan fate kum-1 an tlin hnuah chauh an kal thei a, ransa ke pa-4 nei ho lem an pianhlim rei vak lovah an kal thei mai si a, keini nuho pawn kan fate hi an piana rei vak lo kal ve turin kan duh a ni.

Pu Vana : Ummm chutianga in fate an pian hlima kal thei mai in duh ve chuan in duh ang chuan ka tih hlawhlin sak ang che u ang a, nimahsela ransate angin chi inthlah hun hi kum-1ah thla-1 chhung chauh in hmang tawh ang.

Pawna nuho : Ka duh lo ti rawh!! Ka duh lo ti rawh!!! Kan fate chu kum-1 hnuah chauh kal thei mai rawh se, kan kalphung  ngai kha tha kan la ti tlang!!!

Mi tihdan kan zir dawn nge, kan tihdan miin an zir dawn?

Mizote hi mi kan hmusit zawng laileng hi chu kan tluk loh pawh ni se, kan hmusit lui ve khanglang thin a, kan ngaisan zawng lah hi ukchhuak lutuk hian kan ngaisang leh lawi si. Hnam induh ve tak leh indah sang ve tak angin kan langa, ataka kan nunpuiah erawh kan ngam zawng leh kan ngaisan loh zawng hnam lakah chiah kan indah sang a, kan ngaisan zawngte hnam lakah chuan kan indah hniam leh em em bawk si thin a ni. Kan mi ngaihsan zawngate tih dan lah a hnam pum deuhthawa zir mai kan ching hle.

Zofate kan inneih chhan

Thuhmahruai

Keini Zofate hi kan inneih hian a chhan bulpui ber ang lang chu kan induh vang,kan inngainat vang leh hmangaih vang niberin a langa, heng induhna, inngainatna leh hmangaihna a lo chhuahna chhan hi a inang lo thluah thei a; a hunlai milin a danglam zel ve thei tho bawk awm e.

1.Kan inneih chhan chi hrang hrang awm thei

Thenkhat chu an zaithiam vang emaw, an lam thiam vang emaw, ball pet an thiam vang emaw, music an thiam vang emaw, an hausak vang emaw, lehkha thiam an nih vang emaw, hna nghialnghet an neih vang emaw, an fel vang emaw, an lar vang emaw, an fin vang emaw, an hmel that vang emaw, an taimak vang emaw, an nung chang that vang emaw, adt…tein neih atan kan duh thei a ni.

2.Eng tiklai pawha thing thei lo

Kan inneih chhan zinga engtiklai pawha thing thei lo chu, hausa, hmeltha, nungchang tha, fel leh taima te hi a ni. Heng zawng zawng hi chu hmanlai atanga tun thlenga thing thei lo a ni.

VANNEIPA LEH VANDUAIPA

Vanneipa leh Vanduaipa inthlauh zia

Khaw pa-1ah hian Vanneipa leh Vanduaipa hi an awm a, nikhat chu ramsa thang kamin an ram chhuak dun a. Vanduaipa chu kawng chungah a kal a, Vanneipa chu kawng hnuaiah a kal a; Vanduaipa chuan lung a rap lum thla palh a. A lung lum chu vanneihpa zawnah chuan a lum thla a, vanneih thlak takin Vanneipa a va den hma chuan mi sa-thang kam ngul a va deng fuh a, sa-thang chu a per ta a, thang ngul chuan lung chu a vaw chho leh a Vanduaipa chu a va deng fuh chawrh mai a.

Tichuan, thang chu an duhthusamna hmun ve ve-ah an kam ta a, a ni thumna niah thang belin an kal leh ta a:

Eng hun hi nge pawimawh ber?

Hun hian mihringte hi a nghak si lova, second,minute, darkar, kar, thla leh kum te a liam zel a, kan hun hman that dan a zirin hmasawnna, hlawhtlinna, hausakna, hmingthatna, finna, nihlawhna, adt..te kan nei thei a. Hun kan hman that tawk lovangin kan hlawhtlin tur angin kan hlawhtling thei lova, ka hausak tur angin ka hausa thei lova, kan nihlawh tur angin kan nihlawh thei lova, kan fin tur angin kan fing lova, hmingthatna aiin hmingchhiatna kan nei zawk a hun hman that hi a va pawimawh teh lul em!  Hun pawimawh tak mai chu chi-3a then a ni a: 1. Hun kal tawh, 2. Tun hun leh 3. Hun lo la kal tur te a ni a; he mi pa-3 zingah hian eng hun hi nge pawimawh ber ta ang?

2010 in review

The stats helper monkeys at WordPress.com mulled over how this blog did in 2010, and here’s a high level summary of its overall blog health:

The Blog-Health-o-Meter™ reads Wow.

Dam chhung hun kum-70

Kan thih hun leh ni tur kan hriat loh ang bawkin , kan dam chhung kum zat tur hi sawi lawk theih a ni lova. Mizote hi chawhrualin kum-70 dam tur angah indah chhin i la, seconds, minutes, darkar,  thla & kum eng zat nge kan hman liam tawh & eng zat nge kan la neih? Han chhut chhin teh ang u.

Tuna kan calender hman Gregorion Calender a tang chhut ila:

Common year: Thla-12 = Ni-365 = Darkar-8,760 = 525,600Minutes = 31,536,00 Seconds

Leap Year :Thla-12 = Ni-366 = Darkar-8,784 = 527,040 Minutes = 31,622,400 Seconds

An average Gregorion year: Thla-12 = Ni-365.2425 = Kar-52.1775 = Darkar-8,765.82 = 525,949.2 Minutes = 31,556,952 Seconds

Average Gregorion hi a chawh nan/chhut nan kan hmang ang a, thla laklawh/kumlaihawl, adt.. vel  chhut lovin , kum-1 tawp tawpin  chhut i la; kum-10 atang kum-60 thleng hi chhut kan tum dawn a ni.

Fiamthu lawrkhawm Part-2

Mi bo zawn

Super market-ah a nupui a bo a, paber chuan dawr nghaktu nula hmeltha tak mai chu:

Paber: Kan nu a bo va, khawngaihin kan inbe lawk thei ang em?

Nula : In nu bo vangin keinen inbiak a tulna a awm em ni?

Paber: Nangmah ang nula hmeltha tak ka biak a piang hian rin loh takin kan nu hi a rawn lang hlawl thin a, kan inbiak chuan a rawn lang leh hlawl mai ang.

Zathawng

Zathawng tih hi Chin/Mizo naute Kachin or Jingpho tawng a ni a, nausen piang thar hming an phuah ni a malsawmna an hlana; chutia malsawmna an hlan paha sarep,purunvar & sawhthing chirawtlunga an den pah a thu an chham hi ani ber mai. New Zealand 2010 Chin National Day-ah pawh kan naute Kachin ho hian ,”Kan ute inni a, chibai buknan”, tiin an hnam chem, darkhuang leh eiin te an rawn hlan nghe nghe a ni.

31/1/2010 khan kan thian Kachin-pa Dokhawng-a fanu Khawngno-i hming saknaah ka kal ve a, Kachin or Jingpho ho hian min tiunau em em a, an mahni Kachin chauh nilo Chin/Mizo ho zawng zawng pawh min sawm a. Pathian hnena hlanna an neih hma hian an mahni hnam kalphungin an zinga upaberin sarep, sawhthing leh purunvar te chu chirawtlungah dengin malsawmna thu a chham a, naute hming thar chu nemnghitin mal a sawm a ni. Zathawng an zawh chuan Chin pastor-in nausen chu Pathian hnenah tawngtainain a hla a. Pathian thu thianghlim an mahni Kachin tawngin an chhiar a, Pathian fakna hla Kachin hla-in kan sa a, an hawrawp hi Mizo hawrawp nen a inang bawk a, an hla-bu en chung chuan a sak ve theih mai. Pathian thu chah Karen-nuin English leh Kawl tawngin a sawi a, an Kachin Naupang Sunday School hovin nausen lawmna hla an rem a, naupang zinga mimal pawhin pathian fakna hla Kawl hlain an sa bawk a, nausen lawm leh hlanna hunserh chu Pastor malsawmnain an ti tawp a.